"كومبارس" الابراشي يثير جدلا على "فيسبوك"

كتبت - عبير القاضي:

تداول مستخدمو مواقع التواصل الاجتماعي "فيسبوك وتويتر"، صورة لضيف حلقة وائل الابراشي التي هاجم فيها أفلام السبكي، مما دفع كريم السبكي بالتلفظ بألفاظ خارجة على الهواء مباشرة، قائلين" الابراشي جايب كومبارس يهاجم افلام السبكي علشان يعمل شو اعلامي".

وتظهر الصور التي تم تداولها لضيف الابراشي المهاجم لعائلة السبكي، إنه شارك في حشود التظاهرات المؤيدة للرئيس الأسبق محمد حسني مبارك، وصور أخرى لتواجده في تظاهرات مؤيدة للمجلس العسكري، واخرى لتأييد الرئيس عبد الفتاح السيسي، قائلين أنه "كومبارس مستأجر".

وأثار "كومبارس الابراشي"، جدلا واسعاً على مواقع التواصل الاجتماعي"فيسبوك" اليوم الثلاثاء.

وعلق وائل عباس

"فضيحة.. وائل الإبراشي طلع جايب كومبارس"

وقال معتز عادل

"بصوا هو بعيدا عن ان الشخص الي وائل الابراشي كان جايبه امبارح كمبارس وظهر في كذا حاجه وكذا مظاهره قبل كده وان الموضوع كله تخيلي وان الهدف منه (غير معلوم بالنسبه لي ) لكن ضمنياً انا موافق عليه وهو منع السبكي من الانتاج السينمائي، بس نقف مع نفسنا كده ونسال سؤال هو احنا فعلاً خايفين علي الاطفال وقيم المجتمع ولا احنا مش عندنا اصلا قيم ولا مبادئ نحافظ عليها".

وأضافت Seso Ezzat

"وحتى لو كومبارس بلاش نسيب الرأس ونمسك فى الديل مبدا افلام السبكى مقبول يعنى بالنسبة للناس اللى بتعارض الابراشى ؟ حلو اوى يعنى الفيديو بتاع الطفلة والولد اللى فقأ عين زميله علشان شاف عبده موته بيعمل كده ولا الاطفال اللى عملت عصابة بتثبت الناس كل ده مظهرش الا بعد افلام الزفت ده ناهيك بقى عن البنات وطريقة كلامهم والرقص الخليع اللى بيشوفوه والبجاحة فى الرد ايه يا جماعة فوقوا شوية".