المخترع الصغير: لهذه الأسباب لن تستطيع الحكومة مراقبة فيسبوك وتويتر

كتبت - عبير القاضي:

استنكر عبدالله عاصم، الملقب بالمخترع الصغير، قرارات الحكومة المصرية بشأن مراقبة مواقع التواصل الاجتماعي بهدف حماية الأمن القومي، قائلا:" الحكومة مش هتقدر تعمل كده".

وقال عاصم عبر حسابه الشخصي علي موقع التواصل الاجتماعي "فيسبوك" اليوم الثلاثاء، "فى كلام كتير خرج أن الحكومة المصرية بتراقب الحسابات بس يا ترى الكلام ده صح أو هما يقدروا يعملوا كده فعلا، في خاصية جديدة اتفعلت في الفترة الى فاتت على فيسبوك وتويتر بتخليك تحمل الارشيف بتاعك من عليهم الارشيف ده بيكون متضمن ملفك الكامل على المواقف البوست والرسايل والصور الخ".

وأضاف قائلا :" إن هناك قانون CISPA بيجبر الشركات انها تسلم معلومات المستخدمين للحكومات يعنى الحكومة بتقدم طلب لادارة الموقع بتسليم بيانات الشخص فالادارة تقوم بتسليم الحكومة الارشيف الخاص بالشخص والكلام ده بياخد وقت مش فى لحظتها ! يعنى الحكومة ملهاش اى صلاحيات تراقب انت بتكتب ايه دلوقت او تعرف انت بتكلم مين او بتعمل ايه ! هما بياخدو الارشيف بتاعك ويقعدو يدورو فيه وطبعا ادارة الموقع مش فاضية تبعت الارشيف بتاع الشخص كل شوية يعنى مرة بالكتير، طيب ازاى الحكومة بتغلب على الموضوع ده ؟ ".

وكان عبد الله عاصم بدأ حديثة عن مراقبة مواقع التواصل الاجتماعي بكتابة" ارجوكي يا حكومة انسيني " باللغة الانجليزية، تعبيراً عن رفضه للسياسات المصرية، وما حدثه معه في الفترة الاخيرة .

وكان تم اعتقال المخترع الصغير البالغ من العمر 17 عاماً، على ذمة تهمة التحريض عبر شبكة موقع التواصل الاجتماعي ''فيسبوك'' بحرق سيارات الشرطة، و تم منعه من السفر، ولكن قررت وزارة الداخلية الافراج عنه والسماح له بالسفر للمشاركة في مسابقة ''إنتل'' العالمية، لكن بعد سفره رفض العودة وصرح بأنه إذا عاد إلى مصر سيتم اعتقاله ولن يكون لديه مستقبل، وأنه من الأفضل له البقاء في الولايات المتحدة الأمريكية لأنها دولة تحترم حقوق الإنسان - على حد قوله.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا