''مصراوي'' يحاور مريض فيروس سي خضع لعلاج الجيش

كتبت - أماني بهجت:

قبل سويعاتٌ من المؤتمر العالمي للفريق الطبي للقوات المسلحة وجهاز الهيئة الهندسية بالقوات المسلحة لتدشين جهاز الجيش لعلاج مرض نقص المناعة المكتسبة (الإيدز) وفيروس سي، تمكن ''مصراوي'' من الوصول لأحد المرضى الذين خضعوا للعلاج وأكد أطباء الجيش شفاءهم، ليحكي تفاصيل تجربته.

''عماد سيد'' موظف ببنك القاهرة، أكد أنه تلقى العلاج وتم شفاؤه بشكل نهائي من الإصابة بفيروس سي، مضيفًا أنه علم عن علاج الجيش من خلال زميل له كان قد التحق ببرنامج العلاج في وقتٍ سابق.

''زميلي كان بيتعالج مع دكتورة سالي وهي قالت له على الجهاز والعلاج وراح واتعالج وبقى كويس، فقررت أجرب والحمد لله جت بنتيجة كويسة''، هكذا أردف ''عماد''، مضيفًا: ''البداية كانت في شهر سبتمبر 2013، روحت وأخدوا عينة وبعد 26 يوم في 15 أكتوبر قبل العيد بيومين كلموني وروحت. كنت باخد كبسول لمدة 15 يوم وعملت إشاعات طلبوها مني وروحت بعد العيد''.

وشارحًا خطوات العلاج الذي خضع له، قال ''عماد'': ''مش الجهاز ده اللي بيعالج، فيه جهاز للتشخيص، وجهاز تاني اللي كنا بنتعالج بيه عامل زي بتاع غسيل الكلى، كانوا عاملينلي قسطرة في الرقبة ليها مدخل ومخرج بتفلتر الدم وتفرتك الفيروس''، حسب وصفه.

ويضيف ''عماد'': ''قعدت على الجهاز 36 يوم، كل يوم نص ساعة أو ساعة بالكتير، يعني مجمل 15 ساعة، وبعدها 15 يوم كبسول ومتابعة دايمة من اللواء إبراهيم والفريق كله وبنعمل check up''.

ويختتم ''عماد'' حديثه لـ''مصراوي''، قائلاً: ''أنا كنت في الدفعة الأخيرة قبل الإعلان عن الجهاز كنا 16 واحد كله اتعالج والدفعة اللي قبلنا كانوا 34 كلهم اتعالجوا. عملت تحليل اسمه PCR قبل ما أروح كان 432,000 وبعد ما خرجت وصل 11,639 وده من 4 شهور يعني زمانه مبقاش موجود دلوقتي''.

فيما يؤكد ''عماد'' أن القوات المسلحة مازالت على اتصال معه لمتابعة حالته، مضيفًا: ''كلموني يوم الأربعاء وأخدوا مني عينه عشان يعرضوها في المؤتمر يوم السبت إن شاء الله''.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا