داليا زيادة لفايزة أبو النجا: ''خايفة على شغلي وزمايلي من قرار تعينك مستشار للأمن القومي''

كتبت-عبير القاضي:

قالت داليا زيادة، رئيس مركز ابن خلدون للدراسات الانمائية، إنها فخورة بالدكتورة فايزة أبو النجا، معبرة عن قلقها بقرار الرئيس عبد الفتاح السيسي بتعينها مستشار للأمن القومي، ''خايفة أصحى يوم القي نفسي مهدده وأخسر كل حاجة''، على حد وصفها.

وأضافت زيادة عبر حسابها الشخصي على موقع التواصل الاجتماعي''فيسبوك'' اليوم الاحد، ''أنا واحدة من شباب المجتمع المدني ال حياتهم اتقلبت رأساً على عقب وطموحاتهم اتحرقت في النار قدام عينيهم واتشوهت صورتهم بسبب المجزرة التي تعرض لها منظمات المجتمع المدني الأجنبية في ٢٠١٢، تخيلي حضرتك مثلاً إنك تقعدي تبني في حاجة بالسنين وفي لحظة تتهد؛ وابقى مضطرة اهدها بإيديا علشان ما اواجهش نفس مصير زمايلي ال اتحاكموا بتهم غريبة أنا واثقة مليون في المائة أنهم لم يرتكبوها''.

وتابعت قائلة :''أنا طول عمري كنت فخورة بحضرتك كسيدة مصرية قدرت توصل لمناصب رفيعة. وأحد أسباب دراستي للعلاقات الدولية هو إني أكون وزيرة تعاون دولي زي حضرتك في يوم من الأيام، بس بمنتهى الصراحة من ساعة ما عرفت إن حضرتك رجعتي تاني كمستشار للأمن القومي وأنا خايفة، خايفة على شغلي المجتمع المدني ال بحبه جداً وخايفة على نفسي وزمايلي برضه، الأمن القومي على عيني وراسي؛ وربنا يشهد قبل الناس أنا بحب مصر قد إيه وبعمل إيه في الداخل والخارج علشان اساهم ولو بجزء بسيط في إني ادفعها للأمام. لكن خايفة أصحى في يوم الاقيني خسرت كل حاجة زي ما حصل في ٢٠١٢!''.

وتسائلت زيادة قائلة :''كل ال أنا عاوزة اعرفه علشان اتطمن: حضرتك ناوية تعملي حاجة ضد المجتمع المدني؟ ولا نكمل شغلنا في أمان؟، أشكر لحضرتك سعة صدرك وتفهمك؛ واتمنى تطمنيني أنا وشباب كتير''.

لمتابعة أهم وأحدث الأخبار اشترك الآن في خدمة مصراوي للرسائل القصيرة للاشتراك ...اضغط هنا