بالفيديو..من مدبح السيدة زينب.."قالوا انتخبوا السيسي انتخبناه يقف جنبنا بقا"

كتب - وليد العربي:

تصوير - علياء عزت

قال أحد المواطنين المتواجدين داخل مدبح السيدة زينب، إن "كل الناس المترددة على هذا المكان ناس فقيرة على الله"، مضيفًا "الأجيال الجاية طلعين في اسعار غالية اوي بس ان شاء الله المشاريع الجديدة زي قناة السويس هتعم عليهم بالخير".

وأضاف، "السيسي الله يباركله حاسس بالشعب الفقير، وده إنجاز كبير أوي للفقراء، مؤكدًا أن سعر اللحمة يتراوح داخل المدبح بين 35 و40 جنيها، مطالبًا الرئيس السيسي أن يبيع اللحمة التي تباع في منافذ بيع الجيش، في كل المناطق الفقيرة لضرب الأسعار".

فيما قالت إحدى السيدات المتواجدات داخل المدبح، "الأسعار أغلى من السنة اللي فاتت".

وقال أحد الجزارين بمدبح السيدة زينب، "اللي أحنا في ده خراب الناس مش عارفة تبيع حاجة والناس كلها خسرت هنعمل إيه تاني، ولا سرقة نافعة ومبنعرفش نسرق مين هيشتري كيلو اللحمة بـ 75 جنيه، في حد غلبان هيشتري بالسعر ده، حرام حرام، قالوا انتخبوا الرئيس السيسي انتخبنا السيسي يقف جمبنا بقى".

وعارضه زميله "جزار"، مؤكدًا: "الحاجة أرخص من السنة اللي فاتت بكتير".

لمشاهدة الفيديو..أضغط هنا

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ...اضغط هنا