خالد تليمة: ''نعم للدستور مش للسيسي''

كتبت- عبير القاضي:

قال خالد تليمة، نائب وزير الشباب إنه قبل التصويت على الاستفتاء على الدستور يريد أن يؤكد أن'' هذا الدستور لا يتجاوز كونه منتج لمجموعة من الناس اجتهدت وحاولت، ونعم مش هتجيب استقرار ولا هتودي الجنة''.

وأضاف: ''اللى هيجيب استقرار هو إيماننا كمواطنين بكل حق انتزعناه فى الدستور ده ومدى استعدادنا للدفاع عنه''، ونعم للدستور ليس للفريق أول عبد الفتاح السيسي''.

وأضاف تليمة من خلال حسابه الشخصي على موقع '' فيسبوك'' اليوم الثلاثاء، '' انا هقول نعم للدستور لأنه في مجمله جيد وبرغم اختلافي مع عدد من مواده لا يتجاوزه الخمس مواد، إنما رأيي أن مجموعة الحقوق اللي وردت في الدستور جيدة لحد كبير، مشيراً إلى أن طريقة الدعاية للدستور كانت مستفزة وفجة وخسرت الدستور واللي مقتنعين بيه مش كسبتهم''.

وتابع قائلا :''لو هتقول لا لمجرد أن واحد من رجالة مبارك هيقول نعم، يبقى انت بتعند مع نفسك مش معاه.. أنا هقول نعم للدستور مش للفريق للسيسى، والسيسى لو عايز يترشح برغم موقفى الرافض لترشحه يقدم برنامج يخاطب بيه عقولنا لانه بصراحة مفيش حد ليه جميل على البلد دى، او على الأقل محدش ليه جميل عليا''.

واختتم كلامة قائلا :'' ينفع أقول كلام مختلف معاك ومبقاش طابور خامس وعميل، أو على الناحية التانية أكون بعت الثورة وبلحس البيادة كده بقى اقدر أقول نعم وانا مرتاح''.

دلوقتي تقدر تعرف لجنتك الانتخابية من خلال مصراوي ...اضغطهنا