وزير الدفاع: ''إدينا تنقطع قبل ما تمس أي مصري''

كتب- أحمد الشريف:

قال الفريق أول عبدالفتاح السيسي، وزير الدفاع والانتاج الحربي  :'' عاوز أقول كلمتين صغيرين عن الجيش، الجيش المصري، وطني عظيم وشريف أوي وصلب، صلابته جايه من شرفه، لا تقلقوا أبدا على بلدكم مصر، وفرصة أقول إن المصريين لما أرادوا التغيير غيروا الدنيا كلها، لما جيش مصر نزل حماكم، وقعد 18 شهرا، إيده لم تمتد، خلوا بالكم من هذا الكلام جيدا، إحنا إدينا تنقطع قبل ما تمسكم، من 3 أسابيع أقسمت قسما ياريت كلكم تكونوا سمعتوه، أنا قلته عشان كل مصرى قاعد فى بيته يكون مطمئنا رغم كل الشوشرة المرصودة''.

وأضاف السيسي خلال حضورة حفل تحرير سيناء، الأحد، بمسرح الجلاء :''كان فيه 150 ألف جندى فى الشارع، إحنا كنا نناضل عشان لا يؤذى أى مصري، ونحارب عشان لا يؤذى أى مصري، وعشان مصر تفضل مصر، وهتفضل مصر، أنا مش هقدر أقول كلام جميل زى اللى قلتوه كلكم''.