بلال فضل لمرسى: خليك حسيس واضرب المثل في إدراك خطورة الفتنة الطائفية
كتب- أحمد أبو صالح:
قال الكاتب الصحفى بلال فضل ''كنت أتمنى من الرئيس محمد مرسى أن يؤدى صلاته للجمعة أمس فى دهشور بدلًا من الأقصر.. كانت ستعنى الكثير فى حل الأزمة''
وأشار فضل فى عدة تغريدات له اليوم السبت على موقع تويتر: ''كنت أتمنى إن صلاة الجمعة يؤديها مرسي في دهشور وليس في الأقصر ويشوف المشكلة بنفسه وهو فاتح قميصه للرصاص بدل مايعتمد على تقارير الأمن الفكسانة''.
وأضاف بلال:''قلتها من قبل وأكررها: الرئيس سيصنع هيبته بالمبادرات الذكية السريعة، مجرد وجوده بين الناس في أزمة زي دى كان سيعني الكثير لكن هيشتري الخيال منين؟ عايز تلعب سياسة مع العسكري وتضرب وتلاقي ماشي، بس كمان على المستوى الشعبي خليك ''حسيس'' ومبادر وإضرب المثل في إدراك خطورة الفتنة الطائفية''.
ووجه فضل رسالة للإخوان المسلمين قائلاً: ''عزيزي فرد الإخوان دعمك لمرسى هيكون أفيد بإنك توصل له سخط الناس وغضبهم مش بإنك تشتغل مبرراتي، لإنها لما تخرب هتخرب على الكل مش هتخص ناس بعينهم، يخطئ الإخوان ومعارضوهم لو ظنوا إن الثورة الجاية هتقوم أو هتتمنع بناء على رغبات حد، ونخطئ جميعا لو افتكرنا إن تكلفتها هتبقى هينة''.
وطالب بلال فضل بوجود معارضة قوية منظمة ضد مرسى وحكومته بدلًا من سيطرة الدولة ''الغويطة'' على المعارضة قائلاً: ''ندرك جميعًا أن الصراع مع الدولة الغويطة ليس سهلًا ومن كل قلبي أتمنى التوفيق لمرسي مهما كنت أعارضه لكن هناك فرق بين دهاء معاوية وبرود مبارك، كلنا في مركب واحد والحل هو معارضة قوية ومنظمة تتحرك في الشارع لأن البديل ليس آمنا لنا جميعًا والله أعلم''.
واختتم بلال كلامه قائلًا:''بعض الخبثاء عايز يصور للناس أن لو كان فاز أحمد شفيق، ماكنش هيبقى فى فتنه طائفية ولا قطع طريق، ولا كهرباء، ولا تسيب أمنى، ..بيلعبوا على ضعف ذاكرة الناس''
فيديو قد يعجبك:
