اطرف التعليقات على مرشحي الرئاسة: مواطن فقس من الغيظ.. وتحذير من الترشح اللاإرادي
كتب - محمود حسونة:
أثار المرشحين المغمورين وغريبي الاطوار حالة من السخرية على موقعي التواصل الإجتماعي فيس بوك وتويتر، فمنذ عدة أيام سارع مواطنون لا يعرفهم أحد بسحب أوراق الترشح لمنصب رئيس الجمهورية والذين تجاوز عددهم الـ500.
وحملت التعليقات روح الفكاهة والسخرية، حيث عبر نشطاء الموقعين عن غضبهم على كل من هب ودب الذين يريدون الترشح للرئاسة، منهم من ذهب حافيا، وآخرين بشبشب.
ووصفت معظم الصفحات حالة الغضب فجاء في إحداها تعليقات مختلفة منها "بيقولك من أمراض الشيخوخة: الزهايمر، التهاب المفاصل، وتصلب الشرايين والترشح اللا إرادي لرئاسة الجمهورية.
وتعددت التعليقات التي جمعنا في هذا التقرير بعضها مثل "شفت مقابلة مع 3 من اللي اتقدموا بورقهم للرئاسة النهاردة، كانوا مفروض يحطوا شرط شهادة قوي عقلية مع شرط الـ30 ألف توكيل؟.. دي عالم ضاربة خالص.. داحنا هنضحك ضوحك".
وتوالت التعليقات "انا بيتهألي إن بعد كمية البشر دي اللي اترشحو للرئاسة.. إن إحنا المواطنين المحتملين"و"أنا مرشح للرئاسة وسوف أقوم بزيارة جاري في الشقة المجاورة المرشح للرئاسة أيضآ لمناقشة سبل التعاون ضد مرشح الرئاسة في الدور الأول".
وآخر يقول "الواحد مش لاقي شركة كويسة بفكر أرشح نفسي رئيس جمهورية لحد ما ألاقي شغل" و"عاجل: نظرا لكثرة مرشحي الرئاسة نعلن ترشح كل المصرين رئيسا لجمهورية" وايضا "شعار الانتخابات الرئاسية في2012 ليه تنتخب لما ممكن تترشح؟."
وعن المرشح الذي القي القبض عليه ومعه لفافة بانجو واتهم المنافسين بدسها له قال احد المعلقين "أكيد الرمز بتاعه الجوزة وشعاره قرش حشيش لكل مواطن" ورد اخر "لالالا جامدة زي توفيق عكاشة" وتحسر اخر عليه "يالها من خسارة فادحة لمصر بخسارة هذا المرشح القوي اللى كان هيظبط مزاج الشعب" وتجاوب معه اخر قائلا "ياخسارة يا ضريبة مصر الراجل ده كان هيخلي الدماغ عالية قوي و لانه مدرس رياضيات كان هيحسبها بالجرام و المللي بحيث كله يعمل دماغ صح من غير محسوبية ولا واسطة من الواد عكشة صبي غرزة الفراعين.
وادليىاحد المعلقين قائلا "انا شوفت عمرو موسى هو اللى حط ليه البانجو علشان هو منافس شديد اوى"، وطلب منه احد المعلقين طلبا رئاسيا بقوله "اديني نفس يا سيادة الريس" ووعلق احدهم قائلا "والله احنا شعب دمه خفيف كل واحد نام وكانت رجليه عريانة يطلع الصبح يقوللك انا رايح ارشح نفسي لرئاسة مصر!!!!
واستنجد اخر بتوفيق عكاشة قائلا "فينك يا عكااااااشة تيجى تشوف اخواتك، اذا لم يترشح عكاشه فنحن جميعا عكاشة" و"دى احلوت اوي اوي اوي العب يا وديع" ورقع احدهم زغروطه "لولولولولووووي ..مولد سيدي الانتخابات"
وعن المرشح الذي وعد المصريين باللبن والبيض قال احدهم "إيه رأيكم فى مرشحين الرئاسة مفيش بيض اكتر من كدة" ورد عليه صاحبه "الله يفتح عليك يا دكتور .. فعلاً الموضوع ده كان مشكلة وبعدين حضرتك الدورة إللي بعديها ممكن نحطهم على بعض أو نعمل صنية باشمل" وعلق اخر قائلا" الواحد فقس من الغييييييظ" فيما رد صاحبه" كتر خيرك وياريت متنساش العيش الفينو بس ياريت يكون بسمسم" وقال اخر "لو كانت مصر طاسة كبيرة مش هاتكفي البيض اللي فيها".
واختتم conquerorno التعليقات بتوجيه سؤال للمرشح غاية في الاهمية "وبالنسبة للانشون؟؟"
اقرأ أيضا:
فيديو قد يعجبك:
