مدير ''رصد'': ماكنتش أتخيل إن إخواني يشيل بندقية ويضرب أخوه

كتبت - راتان جميل:

روى سامحي مصطفى، المدير التنفيذي لشبكة رصد، شهادته في أحداث ''الاتحادية''، أمس الأربعاء، قائلاً: ''ماكنتش أتخيل إن حد من الإخوان يشيل بندقية آلي أو خرطوش ويضرب بيها أخوه''.

وقال مصطفى، عبر حسابه الشخصي بموقع التواصل الاجتماعي ''تويتر''، ''اللي بيحصل قلة أدب بمعنى الكلمة، على الإخوان أن ينسحبوا حقنا للدماء، رصاص حي يا كفرة، أنا واقف وسط المعارضة والرصاص الحي وقنابل الغاز والخرطوش نازل زي الرز حسبنا الله ونعم الوكيل، واقف ناحية الناس اللي بتعارض الرئيس يعنى الضرب جي علينا من ناحية الاخوان أنا معرفش بقى إخوان ولا مندسين''.

وأضاف: ''الأن أنا وسط الإخوان ومش مستريح واللي أعرفه بقوله روح بيتك، اللي أعرفه اللي عنده دليل وجود انقلاب أو مؤامرة يطلع يقول ويوضح للشعب أي كلام غير كدا يبقى قلة أدب وتوليع للبلد الكلام موجهه للإخوان، معاك دليل على الانقلاب أطلع صارح شعبك وخليه يعرف''.

وتابع مصطفى: ''الدم اللي في أيدى دلوقتي في رقبة مين، ودم ال 7 إخوان اللي كان روحهم بتطلع أمام عيني في رقبة مين، قيل لى بالنص معنا تسجيل لبلطجية معنا فيديوهات لانقلابات، طيب ليه ما طلعتش ما تقولوا للشعب بيحصل إيه، ليه ساكتين على اللي بيحصل؟''.

واستطرد قائلاً: ''غدا إن لم يعلن مرسي عن المخططات والمتورطين فهو لا يمثلني، الرئيس يعرف جيدا من المتورط ومن الجاني ومن المجنى عليه، الرئيس يعرف جيدا من المتسبب في كل ذلك، لماذا لا يصارح شعبه؟ لماذا لا يعلن لشعبه الفيديوهات والتسجيلات للمتورطين والتي اخبرنا بها سابقا؟ لماذا ترك ممدوح حمزة بعد إعلانه على قناة دريم أنه وارد أن الناس تدخل القصر وتعمل انقلاب؟ عمالين يقولوا البرادعى وحمدين والغول وناس فلول بيدفعوا للبلطجية ليه ما يرحوش يقبضوا عليهم؟ ليه كميات التسجيلات اللي عند الإخوان مابتطلعش ويقدم الجاني للمحاكمة؟''.