بالفيديو.. شقيقة مينا دانيال تتهم القمص فيلوباتير بالتواطؤ
كتب- أيمن شعبان:
اتهمت ميرى دانيال- شقيقة مينا دانيال أحد ضحايا أحداث ماسبيرو والملقب بجيفارا المصري- القمص'' فيلوباتير جميل'' كاهن كنيسة العذراء بفيصل، بالتواطؤ والضغط عليها لعدم تشريح جثة شقيقها.
وقالت ميري: ''أبونا فلوباتيير قالي تشرحي ليه الجثة.. انا اتصلت بابونا متياس وقال دي حتة ورقة مش هتفيد بحاجة.. حقنا من القوات المسلحة هناخده بايدنا بطريقتنا ذي ما خدناه قبل كده.. وانتي لو طلبتي تشريح هويدوه مشرحة زينهم.. وهيقعد يوم والا اثنين، وبعد كده هتصلي هليه لوحدك وهتدفنيه لوحدك، شغلانه وحكاية''
وأضافت ميري ''قلت له لو طلعنا دلوقتي يا أبونا هنصلي عليهم مع بعض ، ويدفنوا مع بعض''فرد علي قائلا'' آه، وهنطلب كده من الكاتدرائية''، وتابعت:'' قلت له ياريت يا أبونا متغيرش كلامك، فرد قائلا: ''أنا مش هحاسبك علشان أعصابك سايبة''، ورأت شقيقة مينا- ''أن حقوقهم تضيع يوم ورا يوم بسبب الكهنة''.
وكان مينا دانيال قد لقي حتفه في أحداث مساء الأحد أمام ماسبيرو، قبل أن يشيع جثمانه من ميدان التحرير، في وقت مبكر من فجر الثلاثاء الماضي، لتشييع جثمانه منه تنفيذا لوصية الفقيد التي وصى بها قبيل وفاته.
اقرأ أيضا:
المجلس العسكري يأسف لأحداث ماسبيرو..ويؤكد: لا فرق بين مسلم ومسيحي
فيديو قد يعجبك:
