"هدى" تطلب الخلع: "بيقولي إحنا إخوات.. وبيحب وحدة تانية في التليفون"
كتبت- فاطمةعادل:
أمام محكمة الأسرة اتهمت "هدى" زوجها باتهامات كثيرة، طالبت بالخلع وروت قصتها منذ التعرف إلى "عليّ" حتى الهروب من المنزل.
"هدى" (28 عاما)، في الدعوى القضائية، قالت إن زوجها كان يحب فتاة أخرى، توضح: "كان بيقولي أنا غلط لما اتجوزتك، إحنا إخوات تحت سقف واحد وبلاش حد يعرف، وطول الليل بيتكلم مع حبيبته في التليفون، وأنا الشغالة بتاعت الشاي والغسيل والأكل، جوزي لمسني أول أسبوع، وبعد كدا بعد عني".
وأضافت: "زواجي من عليّ الميكانيكي كان تقليديا، عن طريق تعارف الأمهات ببعضها والصداقة المقربة.. واستمر 4 أشهر فقط". تقول: "بيحب واحدة وبيكلمها طول الليل وخدني عشان يرضي أمه عشان مش موافقين على التانية".
وتابعت: "عشت معاه أسبوع حلو تخيلته فارس أحلامي، والرجل المناسب، لم يرفض شيئا أطلبه، تاني أسبوع في جوازنا، ولقيته بيدخل الاوضة التانية ويتكلم بالساعات وينام كمان هناك، ويرفع صوته عليا ويكسفني قدام الجيران ".
تشتكي قائلة: "قال في التلفون قدامي أنا بحبك إنت وهقولها وخليكى معايا وهتسمعي الكلام، عرفت وقتها إنه بيحبها وأنا ولاحاجة ليه، استمر الوضع 4 أشهر بس تعبت وزهقت".
وأكدت هروبها من المنزل إلى أسرتها، وطلبت الطلاق ولم يوافق، فلجأت إلى محكمة الأسرة بالتجمع الخامس، لرفع دعوى تطليق للضرر منها، وحملت الدعوى رقم 371لسنة 2018، ومازالت الدعوى منظورة أمام المحكمة.
فيديو قد يعجبك:
