عمرو أديب: "نادي الزمالك مملوك للدولة مش لمرتضى منصور وأبنائه"

كتب- حسن مرسي:

عقب الإعلامي عمرو أديب، على تأييد عزل مرتضى منصور من رئاسة نادي الزمالك، ورفض المحكمة الإدارية العليا طعني وزارة الشباب والرياضة، ومرتضى منصور على عودته لرئاسة القلعة البيضاء.

وقال "أديب"، في برنامج "الحكاية"، المذاع عبر فضائية "ام بي سي مصر"، مساء الأحد: "يا جماعة في حاجات لما بتتقال بتريح يقولك الراجل دا ناس في الدولة أول ما الحكم طلع قالوا لا يا مرتضى اوعى تطلع من النادي.. كان النادي مكسر الدنيا ومرتضى لو خرج النادي هيبوظ".

وأضاف: "نادي الزمالك يعيش أسوأ حالته، انتوا عايزين تقولوا للناس اية، اية الرسالة اللي عايز توصلوها للشباب، الزمالك دا نادي تربوي ومملوك للدولة مش لمرتضى وابنائه، أنا فهمت كل حاجة في مصر انا مستعد تسألني عن اي شيء اي حاجة حصلت في ال20 سنة اللي فاتت اتكلم فيا الا دا".

وأكمل: "أكيد في حد عارف حاجة أنا مش عارفها ياريت حد يبعتلى على الواتساب ويفهمني، يعني هو دا النموذج اللي عايزينه في البلد".