أحمد موسى: "لولا انجازات قطاع الطاقة كانت الكهرباء قطعت على نص مصر"

كتب- محمد أبوالمجد:

قال الإعلامي أحمد موسى، إن درجة الحرارة بالأمس وصلت إلى 43 درجة مئوية، وكان هناك عواصف ترابية شديدة جدًا أمس وأول أمس، مضيفًا: "الجو كان نار والناس بتشغل تكييفات وعندنا كهرباء وغاز ومفيش مشكلة".

وأوضح "موسى" خلال تقديمه لبرنامجه "على مسئوليتي" على فضائية "صدى البلد" اليوم السبت: "أنه لولا ما تم من إنجازات في قطاع الطاقة خلال السنوات الماضية كانت الكهرباء قطعت على نص مصر ، زمان في الفترة من 2011 وحتى 2015 كان شوية ارتفاع في درجات الحرارة كان بيحصل انقطاعات كبيرة في الكهرباء نتيجة ارتفاع الاستهلاك".

وتابع، أن الانقطاعات التي كانت تحدث في التيار الكهربائي في السابق كان قبل تطوير شبكة الطاقة والكهرباء"، مؤكدًا: "ما نحن فيه الأن فضل وكرم ونعمة من ربنا، وإحنا خطتنا من بدري من أجل حل ازمة ملف الطاقة ".

وأردف: "أن الدولة تحملت 3 مرات تأجيل زيادة أسعار الكهرباء بحوالي 25 مليار جنيه"، موضحًا: "لدينا 34 مليون مشترك في الكهرباء منهم 15 مليون عداد مسبق الدفع".

وأكمل: "لازم تشوف الوضع اللى إحنا في النهاردة إيه، زي دلوقتي من شهر يونيو العام الماضي كنا مع الرئيس السيسي في مدينة السادات، وقتها الناس كانت مستنية زيادة أسعار الكهرباء وبحضور رئيس الوزراء ووزير الكهرباء، قال الرئيس مش انتوا أخذتوا قرار تأجيل الزيادات بتاعت الكهرباء، الكلام ده السنة اللى فاتت، والرئيس قال بالمناسبة يا جماعة، الحكومة لما أخذت القرار كانت المرة الثالثة، وقررنا إن مفيش زيادة في أسعار الكهرباء».

وأوضح: "آخر يناير الماضي، الكل كان منتظر زيادة في أسعار الكهرباء، الرئيس أكد أنه لن يكون هناك زيادة حتى 30 يونيو الجاري، الدولة تحملت 3 مرات، حوالي 25 مليار جنيه، من عدم زيادة أسعار الكهرباء، الآن عندنا 18 مليون وحدة سكنية، إنت عارف الرقم إن 50% من الاستهلاك بس اللى بيدفع، والباقي الدولة بتتحمل تكاليف إضافية، آه ده واجب على الدولة، بس أنا بفتكر موضوع الكهرباء، من اللى كانت الناس في مبارح من ارتفاع درجات الحرارة".

واختتم: "الكهرباء كانت في 2014 و2015 بتقطع بـ 6 أو 7 ساعات، لم يوجد وقتها شركات توزيع كهرباء ولا الكلام ده، افتكر بس من أول بناء القوات المسلحة، ولازم نبقى عارفين، من وقت تم بناء القوات المسحلة، ثم اللى حصل في وزارة النقل وزارة الكهرباء، كل حاجة بتشوفها لازم ترجع للوراء شوية، ماذا لم نقم بكل هذا، في 34 مليون مشترك كهرباء، منهم 15 مليون عداد مسبوق الدفع، دلوقتي تروح تشحن وزي ما أنت عايز، ودي أحسن وسيلة، وأفضل كمان، والدولة داخلة في الإطار ده، وكل واحد عارف استهلاكه كام، كمان دلوقتي عندك القدرة للدفع، مفيش قدرة على الدفع قلل، هي أسعار الكهرباء اللى موجودة الأيام دي طبيعية، لا مش طبيعية".