ما المقصود بورقة المفاهيم في امتحانات الثانوية العامة؟.. وزير التعليم يجيب
11:17 م
الأربعاء 20 أبريل 2022
كتب- محمد جمعة:
شرح الدكتور طارق شوقي، وزير التربية والتعليم، المقصود بورقة المفاهيم التي سيحصل عليها طلاب الثانوية العامة مع كل امتحان، قائلًا: "ورقة المفاهيم تضم كل ما كان يقتضي الحفظ في الكتاب المدرسي، ويتعلق بالامتحان".
وقال شوقي، خلال مداخلة هاتفية مع برنامج "يحدث في مصر"، المذاع على فضائية "MBC مصر"، مساء الأربعاء: "في عام 2018 قدمنا فكرة امتحان الكتاب المفتوح أو المصادر المفتوحة، وكنا بنحاول نبعت رسالة إننا جايين نتعلم مش نحفظ مسائل بعينها وجايين نحلها دون اكتساب أي مهارة".
وأضاف وزير التعليم: "المعلومة اللي مفيش قيمة إنك تحفظها أو تحشي بيها دماغك هنكتبها ليك في ورقة.. اللي حط السؤال بيبقى عارف كمية المعلومات المطلوبة للحل، واللي مش لازم الطالب يحفظها، فإحنا هنحطها في ورقه ونديها للطالب بدل الكتاب المفتوح".
وأوضح شوقي في مثال، قائلًا: "لو امتحان رياضيات فيه بعض المعادلات مش عايزين الطالب يحفظها.. بالتالي المركز القومي للامتحان اللي حط الأسئلة هو نفسه الذي سيضع المعادلات المطلوبة دي في ورقة المفاهيم اللي هياخدها الطالب في اللجنة مع ورقة الأسئلة، مش قبل الامتحان كما يعتقد البعض".
وتابع شوقي: "الطلاب مدربين لعقود طويلة على فكرة إني أبقى عارف شكل السؤال وشكل الإجابة، وده اللي إحنا بنغيره بقالنا 4 سنوات.. ورقة المفاهيم فيها معلومات أكثر من اللي يحتاجها الطالب، وبالتالي هتوفر عليه وقت حفظها أو البحث عنها في الكتاب".
فيديو قد يعجبك:
