مصطفى بكري: لدينا تآكل في الاحتياطي الاستراتيجي.. "في ناس تعبانة وطبقة وسطى بتتاكل"

كتب- معتز عباس:

قال الإعلامي مصطفى بكري، إنه علينا أن نتفق بوجود تآكل فى الاحتياطى الاستراتيجى النقدى، والطبقة الوسطى تعاني مهددة بالتآكل، وهناك أسر متضررة من غلاء الأسعار.

وأضاف "بكري"، خلال تقديم برنامج "حقائق وأسرار"، المذاع على قناة "صدى البلد"، اليوم الخميس، أن بعض المستثمرين سحبوا أموالهم نتيجة التطورات الأخيرة، وبعضهم بسبب زيادة سعر الفائدة فى البنوك الأجنبية، وبعضهم لأهداف أخرى بعينها.

وتابع: "ده ألقى بعبء على البنك المركزى اللى لازم يوفر العملة علشان المواد الغذائية اللى نستوردها من بره، واللى هى ضرورية لمعيشة المصريين، طبعًا ناهيك عن الالتزامات الحكومية بسداد فوائد الديون الخارجية للعديد من الدول والهيئات الأجنبية".

وأكمل: "كل ده أثر بالتأكيد زى ما قلت على الاحتياطى الاستراتيجى النقدي، رغم الجهود اللى يبذلها البنك المركزى فى الحفاظ على هذا الاحتياطى اللى وصل إلى أكثر من 40 مليار دولار فى أوقات سابقة".

واستطرد: "في معاناة وفي ناس تعبانة وفي طبقة وسطى بتتاكل وفي مشاكل حقيقية على أرض الواقع، والناس بتسأل ليه الدولار بيرفع وينزل ولية في شهادات 18%، احنا عندنا تأكل في الاحتياطي الاستراتيجي النقدي، وفي بعض المستثمرين الأجانب سحبوا فلوسهم نتيجة التطورات الاخيرة اللي حصلت في العالم ونتيجة زيادة سعر الفائدة في البنوك الأمريكية وفي اهداف اخرى".