عمرو أديب: هل ينفع ناخد فلوس من الدروس الخصوصية عشان نشغل المدارس

كتب- حسن مرسي:

علق الإعلامي عمرو أديب؛ على قرار الدكتور رضا حجازي؛ وزير التربية والتعليم بتنظيم حوار مجتمعي حول مقترح تقنين مراكز الدروس الخصوصية.

وقال أديب، خلال برنامجه "الحكاية" المذاع على قناة "mbc مصر"، مساء الإثنين: "هل ينفع يتعمل حوار مجتمعي على الغاء المدرسة؟ الناس قالت لا حكاية أنك تدي الأفضلية للسناتر احنا رفضين الكلام دة فتقرر تعمل حواليه حوار مجتمعي قالك عايز أستوعب السناتر ونشوف أسعارها طيب والمدرسة اخبار المدرسة اية؟".

وأضاف: "هي وزارة التربية والتعليم والا الشركة العامة للسناتر؟ بنعمل حوار مجتمعي أن نقنن الدروس الخصوصية.. أنتوا موافقين على الكلام دة؟.. عارفين أن الدروس أمر واقع، والمفروض يكون هدفك أن السناتر تقل بنسبة 50%".

وتابع: "سؤالي هي وزارة التربية والتعليم وزارة ربحية ومطلوب منها تجيب فلوس للدولة؟ وزير التعليم قال المدرسة المكان الوحيد للتعلم ولا عزاء للدروس الخصوصية؛ طب ينفع ناخد فلوس من الدروس الخصوصية عشان نشغل المدارس؟.. نعمل الشركة العامة للسناتر.

وأوضح: "احنا رايحين عشان حوت اللغة العربية يقولنا موضوع التعبير اللي جاي في الامتحان؛ الفكرة هي تقنين الدروس الخصوصية أنا هقننك هي الساعة بكام؟ الساعة بخمسة جنيه والحسابة بتحسب".