"رجعوه في 48 ساعة".. والد طفل المحلة يكشف كواليس اختطاف نجله
كتب- محمد أبوالمجد:
كشف أحمد البحيري، والد طفل المحلة المختطف، تفاصيل اختطاف نجله، قائلًا: "كنت في الشقة فوق ونازل المحل وسمعت صويت وصريخ من زوجتي وجرينا على أن في طفل متعور أو حاجة خفيفة لقيت الكارثة أن أبني اتخطف، وهي كارثة بكل معنى المقاييس"، مشيرًا إلى أنه اتصل بالنجدة وعند قدومهم ساعدوه وطمأنوه بعودة ابنه.
وأضاف "البحيري" في مداخلة هاتفية لبرنامج "الحياة اليوم" على فضائية "الحياة" اليوم الثلاثاء: "الصدمة من المنظر وطريقة الخطف الوحشية خلتني خايف جدًا، ولكن بفضل ربنا ورئيس الجمهورية ووزارة الداخلية ابني رجع في خلال 48 ساعة"، موضحًا أن الكاميرا التي قامت بتصوير الحادث هي كاميرا الخاصة بمحل قطع غيار السيارات الخاص به، والشرطة قامت بتفريغ الكاميرا.
وتابع: "جالي أول اتصال من المختطفين بعد 4 ساعات من الاختطاف، وكان معاهم جهاز بيغير صوت الشخص المتصل، وقالي ابنك معايا ومصدقتهوش في البداية، والداخلية كانت حواليا وقتها، وكنت فاكر اللي بيتصل بيهزر معايا ولما اداني زياد ابني اتأكدت أنهم الخاطفين، وسألته عن اسم والدته عشان ولقيته قالي اسم والدته وقالي الحقني يا بابا واتأكدت أنه ابني من طريقته في الكلام".
وأردف، والد طفل المحلة المختطف: "طلبوا مني مبلغ 2 مليون جنيه في يوم، والشرطة قالتلي متقلقش وابنك هيرجع سالم بدون فلوس"، موضحًا: "كلموني الساعه 6 من نفس التليفون وبصيغة التهديد، والشرطة طمنوني وعملوا كماين وفضلوا مراقبين تليفوني عشان لو رن عليا تاني".
وأكد: "لما سألوني على الفلوس قولتلهم معرفتش اجهزه قالولي هنديك فرصة يوم، وكنت بطول معاه في المكالمة، والشرطة قدرت تجيبه في أقل من ساعتين تاني يوم".
فيديو قد يعجبك:
