"شكلها مختلف وجميل".. يوسف الحسيني عن تطوير نافورة النيل

كتب- محمد خميس:

علق الإعلامي يوسف الحسيني، على تطوير نافورة النيل، قائلًا: "شوفتوا النافورة دي شكلها حلو وجميل ومختلف، وعودة مرة أخرى للبهجة"، مشيرًا إلى أن هذه النافورة تم إنشاؤها في عام 1956 وقت الزعيم الراحل جمال عبدالناصر في شكل من أشكال تجميل وج القاهرة لتجميل صفحة النيل.

وأضاف "الحسيني" في خلال تقديمه لبرنامجه "التاسعة" على التليفزيون المصري، اليوم السبت: "أن هذه النافورة كان يتم إطلاقها في الاحتفالات الكبرى ودلوقتي اتعملها إضاءة ملونة وشغل حديث، هتخلي شكل القاهرة الجميل أكثر بهاءًا"، موضحًا: "القاهرة هتبقى أكثر روعة وبهجة والناس وهي بتتفسح بفلوكة النيل هتقدر تستمتع بنيل القاهرة ويقدر اللي بيتمشى أنه ياخد صور حلوة على النيل".

وتابع: "بشوف ناس كتير بتتصور عند نوافير كتير في العالم مع أنها مش عظيمة أوي، والنافورة بتاعتنا شكلها جميل وألوانها الجديدة أحلى وأحلى، وبقت أحلى من زمان وبقى فيها النافورة الراقصة بالتشكيلات اللي بتتعمل بالمياه"، مؤكدًا "خلي القاهرة ترجع مرة تانية أجمل مدينة عربية، ونفسي اشوف القاهرة بتاعتنا كما كانت لأنها كانت من أجمل وأروع المدن في أفريقيا والدول العربية والعالم".