فتاة المنصورة أمام سراي النيابة: "مش دول اللي اتحرشوا بنا"

كتب- حسن مرسي:

كشفت مي، ضحية التحرش بالمنصورة، عن تفاصيل تعرضها إلى التحرش الجماعي ليلة رأس السنة، قائلةً: "دي صدمة عمري، وأهلي اتصدموا لما شافوا الفيديوهات على السوشيال ميديا".

وأضافت مي، خلال مداخلة هاتفية مع الإعلامي عمرو أديب، ببرنامجه "الحكاية" المُذاع عبر فضائية "MBC مصر"، مساء اليوم السبت، أنها فوجئت خلال عرض المتهمين المقبوض عليهم بسراي النيابة، موضحةً: "احنا اتصدمنا لما شُفنا الأطفال دول في النيابة، أطفال صغيرة أول مرة نشوفهم في حياتنا، مش دول اللي اتحرشوا بنا".

وتابعت الفتاة: "احنا أدلينا إلى النيابة بأوصاف المتحرشين، كانوا أكثر من 30 بلطجيًّا، منظرهم كان بلطجية وأجسامهم ضخمة، وأنا لو شُفتهم هاعرفهم من بين مليون شخص".

واستطردت مي: "أنا طالبة في كلية تربية وباروح امتحاناتي عادي، وكنت مُصرة أنزل الجامعة عشان أدافع عن نفسي وسُمعتي"، معقبةً: "احنا أصحاب حق، ولبسي ده حريتي، وكنت باحتفل بالكريسماس، والدين أمر الناس بغض البصر".