"حادث مؤسف".. أسامة كمال معقبًا على حريق كنيسة الأنبا بولا
11:37 م
الأربعاء 10 يوليه 2019
كتب- محمد خميس:
علَّق الإعلامي أسامة كمال على حادث حريق كنيسة الأنبا بولا بمنطقة حدائق القبة، الذي وقع فجر اليوم، قائلًا: "حادث مؤسف".
وقال كمال، خلال تقديمه برنامج "مساء dmc" اليوم الأربعاء: "اتكلمنا الأسبوع اللي فات مع ضيوفنا عن الحماية المدنية وازاى احنا في فترة حر شديد وتكييفات دايرة، وازاى بتحصل حرايق في الأسواق وأماكن تانية، وازاى كل مكان لازم يراجع منظومة الإطفاء، ولو ما عندوش يركب".
وأشار مقدم "مساء dmc": "الحريق وقع الفجر قبل ما ننام، وكان حادث مؤسف استمر ساعات لحد ما النار كلت كل حاجة، لكن الحمد لله مفيش خساير بشرية، يمكن لأنه بدأ قُرب نص الليل والناس كانت لسه صاحية فخرجوا من المكان، لكن المكان نفسه انتهى".
فيديو قد يعجبك:
