مصطفى بكري: "عايزين حالة الجدل ترجع للإعلام"

كتب – حاتم أبوالنور:

قال الإعلامي مصطفى بكري، وعضو مجلس النواب، إن الجميع يتوقع دائمًا وقوف الرئيس عبدالفتاح السيسي إلى جانب الطبقات الفقيرة والمتوسطة المنحاز إليهم دائمًا اجتماعيًا وطبقيًا وفكريًا، والجميع على ثقة في أن البلاد ستقف على أقدمها مرة أخرى.

أكد "بكري"، خلال برنامج "حقائق وأسرار"، المذاع على فضائية "صدى البلد"، اليوم الخميس، أن جميع المواطنون المخلصين واقفين بجوار الرئيس، لكن منافقي كل العصور سيعودون لإدراجهم مرة أخرى، مؤكدًا أن كل شخص وطني مخلص وقف بقوة ضد الإخوان من أجل مصر وليس شئ آخر.

وأوضح، قائلًا: "أنا مش عارف الحقيقة كل شوية وقف أو مشي.. ياريس والله العظيم اتخققنا، عايزين نتكلم ونعبر عن الشعب المصري والناس ونقف الى جوارك بكل قوة وايمان، لأننا عارفين أنك هتقف مع الحق، والاعلام ساند الدولة في زمن الاخوان بكل قوة وجسارة وكلنا كنا معرضين للموت"، مضيفًا: "كل ما نسمع أراء متعددة كل ما الصورة تبقى أفضل، عايزين حالة الجدل ترجع للإعلام، مش عايزين الاعلام المُعادي والمشكك عايزين إعلامنا يعود الرأي والرأي الآخر كلنا معاك ومافيش حد ضدك ياريس، لكن مسألة نبقى حاجة واحدة ماينفعاش أقسم بالله ما ينفع".

وأستطرد: "إحنا اللي صرخنا قولنا لازم يا قائد تنزل لان مصر كانت محتاجاك احنا لا بنعرف نلف ولا ندور، أحيانا بنسكت وخلي الدنيا تعدي لكن بنتألم من جوانا لأن دي بلدنا وهذا النظام اللي انتظرنا عشان نعبر عن الناس ويبقى في رأي ورأي أخر ويبقى لمصلحة النظام والوطن إنما سمع هس ماينفعش كلنا نبقى في الخلاط ماينفعاش لازم يبقى في حرية وكلام ونقاش لمصلحة البلد، اللي بيشككوا احنا مش منهم وبس احنا ماحدش يقولنا تعملوا اية وتسوا اية، إحنا عارفين مصلحتنا ونموت عشان بلدنا نتشق في الشوارع عشان مصر".