"تفتكروا الدولة علمتكم ببلاش ليه؟".. أديب للأطباء الرافضين لنظام التكليف

كتب- حسن مرسي:

علق الإعلامى عمرو أديب، على تغريدة الدكتور هاني راجي رئيس قسم القلب السابق بالمعهد القومى للقلب والتي انتقد خلالها رفض عدد من الأطباء لنظام التكليف الجديد.

وقال أديب، خلال برنامجه "الحكاية"، المُذاع عبر فضائية "MBC مصر"، مساء اليوم السبت، إن الدكتور هانى راجي تعرض لهجوم شديد بسبب ما كتبه على حسابه فى تويتر، وطالب فيه الأطباء والمهندسين خريجى الجامعات المصرية بتسديد ديون تعليمهم للشعب، مضيفًا: "حضرتك اتصرف عليك فى كلية الطب والهندسة ملايين، التعليم عاجبك أو مش عاجبك مش هتفرق".

وتابع مقدم "الحكاية": "أنا رأيى أن اللى بيتصرف عليك ده يجب إعادته للدولة المصرية"، مؤكدا أن "الدولة لما تقولك تعالى اشتغل معايا وخد تكليف، مينفعش تقولى لأ، عايز حضرتك متاخدش تكليف ومتشتغلش وتسافر بعد ما تخلص، اتعلم تعليم خاص وأصرف على نفسك".

وكان الدكتور هانى راجى كتب: "عندما تتخرج كطبيب أو مهندس من جامعة مصرية حكومية عليك فاتورة تسديد ديون تعليمك لشعب مصر الفقير، ٣-٥ مليون جنيه مصرى، دفعتهم الست بتاعة الفجل والكمسارى بتاع القطر، لو مش ناوى تسدد دينك، وناوى تهرب من البلد عشان تكسب أكثر، لنا رجاء، خليك مؤدب، وبلاش تشتم اللى علموك ببلاش".