القاهرة- مصراوي:

حرصت الفنانة سمية الخشاب على الاطمئنان على طلاب الثانوية العامة، الذين يتابعون حسابها على موقع التغريدات الشهير، بعد انتهاء امتحانات اليوم الأحد 3 يوليو.

وسألت سمية الطلاب في منشور جديد لها، عن مستوى امتحانات اليوم وكيف كان أدائهم، وكتبت "عملتوا ايه؟ أيا كان أنتوا عملتوا اللي عليكوا واللي جاي أحسن"، وغردت من جديد موجهة لهم نصيحة بعد قيام بعضهم بوصف الامتحانات بالصعبة "امتحان صعب؟ عادي قوموا قضوا يومكم عادي جدا المهم صحتكم، خدوا بريك".

وجاءت تعليقات متابعيها من طلاب الثانوية العامة: "أقسم بالله انتي فعلا من أحسن وأجمل وأرق ى الفنانات، فعلا الوحيدة اللي بتسأل علينا بعد كل مادة، ربنا يكرمك يا رب وفعلا مش عارف من غيرك كنا هنعمل إيه بجد"، "واحنا داخلين: يا رب نقفل، واحنا خارجين: يا رب ننجح"، "الامتحان كان وحش أوي يا فنانة"، "كويس نشكر ربنا"، "ادعيلي نفسي ادخل طب وابقى دكتور"، "الكيميا حرفيا مستواها صعب جدا ومحتاج اكتر من ٣ ساعات".

وأدى طلاب الثانوية العامة (الشعبة العلمية) الامتحان في مادة الكيمياء، اليوم الأحد، بينما أدى طلاب الثانوية العامة (الشعبة الأدبية) الامتحان في مادة الجغرافيا.