أول تعليق من سمية الخشاب بعد نشرها مراجعات لطلاب الثانوية العامة

كتب- محمد عمارة:

في أول تعليق لها، قالت الفنانة سمية الخشاب، إنها تلقت رسائل إيجابية، بعد نشرها عدة مراجعات للطلاب استعدادا للامتحانات، على صفحتها الشخصية بتويتر.

وسألت سمية الخشاب الطلاب قبل امتحان اللغة العربية للثانوية العامة: "ايه اللى واقف معاكوا فى العربى؟ هنلموا فتويتتين ابعتولى بس".

وأضافت لمصراوي، في تصريحات هاتفية: "الهدف من نشر المراجعات أو كتابة النصائح هو مساعدة الطلاب، أكيد بحاول أساعدهم، والناس مبسوطة، وعلى فكرة ردود الأفعال حلوة جدا وأنا سعيدة بيها وهكمل".

وكانت سمية الخشاب كتبت منذ أيام: "حبايبى اللى فى ثانوية عامة، محدش يجى على نفسه خالص صحتكم بالدنيا ومش نهاية العالم ومتخلوش أى حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمة، اللى هيشتغل ويحب اللى بيعمله هيبقى في القمة".

ومنذ بداية شهر يونيو، بدأت سمية الخشاب في نشر تغريدات شبه يومية تتضمن معادلات حسابية ومراجعات في مواد منها الفيزياء، كما نشرت مراجعات لطلاب كليات الصيدلة.

ووجهت الخشاب رسالة لطلاب الثانوية العامة، قائلة: "ساعدوا بعض وذاكروا مع بعض وبلاش قلة سلكان عشان كل حاجة بالنيات".

وحظيت تغريدات الفنانة بتفاعل واسع على مواقع التواصل الاجتماعي، بين ساخر ومرحب ومنتقد.