إمام مسجد الحسين: لو عاوز رزقك يزيد افعل هذا الأمر

كتب-محمد قادوس:

قال الدكتور مصطفى عبد السلام، إمام مسجد الحسين، رضى الله عنه، إن البركة عنصر هام يتوافر فى حال أداء العمل بضمير والرضا بما قسمه الله للعبد، مضيفا: "حاجة اسمها البركة، يعني هو مش عنده أهم حاجة يزود فلوس، ده هو بيقول: "يا جماعة، الفلوس اللي معايا دي أنا راضي بيها، انا راضي بيها، بس ازاي ربنا سبحانه وتعالى يبارك لي فيها.

وأضاف عبد السلام، خلال حواره ببرنامج "البيت"، المذاع على فضائية "الناس": حاجة واحدة بس، تزود البركة، وهي أنك تؤدي عملك بضمير، أدي عملك باتقان، مثلاً الوظيفة اللي حضرتك فيها، اشتغل بما يرضي الله سبحانه وتعالى، وبما يرضي رسوله، أدي عملك على أكمل وجه، اللي هيجيلك من الشغلانة دي، مبارك لك فيه بفضل الله سبحانه وتعالى.

وأوضح إمام مسجد الحسين، ما دام إنت بتادي عملك صح، يعني الفلوس دي مش جاية كده هباء منثوراً، مش جاية كده من أي طريق، كان في حد قال لسيدنا الإمام الشافعي نفس السؤال، قال له: "يا إمام، المرتب بتاعي مش مقضيني، اعمل إيه؟، قال له: "روح لصاحب الشغل، اه خليه ينقصك درهم"، هو كان بياخد سبع دراهم، فراح لصاحب الشغل، قال له: "والله أنا عايز المرتب بتاعي ستة بدل سبعة"، الشهر اللي بعده، الستة ما قضت. فراح لمولانا الإمام، قال له: "المرتب نزلته بدل سبع دراهم، ست دراهم"، "خلاص روح لصاحب الشغل، قول له يخلي المرتب بتاعك خمس دراهم"، قال له صاحب الشغل: "أنا عايز خمس دراهم بس، مش عايز لا سبعة ولا ستة، قضته خمس دراهم"، الرجل تعجب. راح لسيدنا الإمام الشافعي، قال له: "السبع دراهم ما قضتنيش، ولا الست دراهم، الخمس دراهم، مرتبي دلوقتي بعد ما نزل من سبعة لخمسة بقى، يقضيني إيه الموضوع؟" قال له: "أصل عملك ما كانش يستحق المبلغ ده إلا خمس دراهم بس. يا فلما خدت الأجر المستحق ليك، بارك الله سبحانه وتعالى لك في رزقك.

اقرأ ايضًا

الإفتاء توضح حكم من انتقل إلى سكن جديد وصلى فترة إلى غير اتجاه القبلة

3 حالات لا تجوز فيها طاعة المرأة لزوجها ولا تلعنها الملائكة.. يوضحها أستاذ بالأزهر

10 ضوابط شرعية.. الأزهر للفتوى يوضح حكم من فاتته تكبيرة الإحرام في صلاة الجماعة