أسامة قابيل: تصدير التشائم على السوشيال ظلم كبير للنفس

كتب-محمد قادوس:

وجه الدكتور أسامة قابيل، الداعية الإسلامي ومن علماء وزارة الأوقاف، رساله لكل متشائم فاقد الأمل من الحياة، قائلا: "ربنا بيطبط على قلوبنا وبيقول (بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ)، ده ربنا اللي بيطمنا، شوف لما حد مسئول كبير أو حد ثري، يقولك متخفش أنا معاك وفي ضهرك بتعمل إيه، شوف بقي ربنا سبحانه وتعالى هو اللي بيطمنك ويقولك أوعى تخاف أو تقلق.

وأضاف قابيل، خلال حواره ببرنامج "البيت"، المذاع على فضائية" الناس": "اللى بيخاف بزيادة بيبقى ظالم لنفسه، اللى بيصدر رسائل تشائمية على مواقع التواصل الاجتماعي، فبتقوله كفاية إحنا كلنا عندنا ضغوط بزيادة، الناس جوعى وفى حاجة كبيرة للأمل.

وأوضح العالم بوزارة الأوقاف: الباقة والموبايل اللي انت بتستخدمهم دول رزق من ربنا ليه تحول الرزق إلى رسائل تشائم وقلق ليك وللناس، ده ظلم كبير للنفس، وتبقى ظالم نفسك وتظلم الناس معاك"، مستشهدًا في ذلك بقول الله-تعالى-" ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا فَمِنْهُمْ ظَالِمٌ لِنَفْسِهِ وَمِنْهُمْ مُقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ذَٰلِكَ هُوَ الْفَضْلُ الْكَبِيرُ".