بالفيديو.. أسامة قابيل: الناس بتقعد بالساعة على السوشيال وبتستعجل فى الصلاة

كتب- محمد قادوس:

قال الدكتور أسامة قابيل، من علماء الأزهر الشريف، إن الصلاة لها تأثير كبير فى حياة الإنسان، وكل شئون حياته، مضيفا: "الصلاة هى باب القرب من الله، وهى باب الراحة فى الحياة".

وتابع العالم الأزهري، خلال حواره مع الإعلامية إيمان رياض، بحلقة برنامج "من القلب للقلب"، المذاع على فضائية "mbc masr2": سيدنا النبى محمد صلى الله عليه وسلم، كان يقول لسيدنا بلال بن رباح، اريحنا بها يا بلال، شوف كان بيقول إيه ارحنا، الصلاة هى الراحة، مهما كان قلقك وهمك ومشاكلك فى الدنيا تدخل تصلى ركعتين لله تلاقى الراحة والطمأنينة حلت عليك من عند ربنا".

واستكمل: "الصلاة اتصال بين العبد وربه، لازم يكون فى سر بينك وبين ربنا بصلاتك لقيام الليل، صلى لوحدك وطول فى صلاتك بدل ما بتقعد على السوشيال ميديا بالساعة، الناس بتكون مستعجلة، قرب من ربنا فى صلاتك فيها، همك هيزال وهتستقبل أقدار الله بالصبر والرضا والسكينة".