خالد الجندي: "متزعلش أوي على المعصية طالما ليها كفارة تفتحلك باب للجنة" -فيديو

كتب-مصراوي:

قال الشيخ خالد الجندي، عضو المجلس الأعلى للشؤون الإسلامية، إنه حينما يبتلي الله عباده، يفتح لهم باب من أبواب الجنة، مضيفًا: "متزعلش أوي من المعصية يمكن تكون سبب يتفتحلك بيها باب للجنة".

وأضاف "الجندي"؟، خلال تقديمة برنامج "لعلهم يفقهون"، المذاع على قناة "DMC"، اليوم الخميس، قائلًا: "ممكن ربنا يضع لك كفارات عشان يأكل بيها حد، يمكن بنقع في بعض المعاصي عشان الغلابة تأكل، يمكن أنتا اندفعت وقولت والله ما أنا هروح أزور فلان عشان تطعم 10 مساكين".

وتابع: "متزعلش أوي على المعصية طالما ليها كفارة، أعمل الكفارةو قول يمكن أنا وقعت في الذنب دا عشان يتفتحلي باب الجنة"، يمكن ربنا بيعمل فيك كدا عشان تأكل حد، لما عربيتك بتخبطت يمكن في سمركي سيارات ربنا فتحله باب رزق عشان يأكل منه عيش بخبطة عربيتك يمكن باب خير لحد أو منع عنك شر أكثر، مستشهدًا بقول "ابن عطاء الله السكندري" (رب معصية أورثت ذلًا وانكسارًا .. خير من طاعة أورثت عزًا واستكبارًا.