"لو عايزة تطفشي الراجل منك"..رضوى الشربينى:١٠ خطوات لفشل العلاقات

تحدثت الإعلامية رضوى الشربينى، خلال حلقتها من برنامجها "هى وبس"، عبر قناة cbc سفرة، عن أسباب فشل العلاقات العاطفية والتى يكون أغلبها رد فعل عكسى لما تقوم به الفتيات وتبذله من مجهود لإنجاح العلاقة ولكنها تتفاجىء بابتعاد حبيبها عنها.

وأضافت ساخرة :" لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع فى غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى".

واستكملت قائلة :" خليه يحس قد ايه انتى متمسكة بيه وان ولائك ليه يقوم يحبك ويقع فى غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض".

واستنكرت قائلة :" ازاى اصلا اشوف وافكر ازاى الراحل اللى فى حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة فى بلايين من الرجالة على كوكب الأرض غيرك يحبونى وهعرف احبهم".

واختتمت قائلة :" مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".