"تاخد إيه من بيتك عند الخروج لحظة الزلزال؟" مواطنون يجيبون

كتبت- روان شريف:

شهد العالم في الأيام القليلة الماضية، سلسلة متتابعة من الزلازل والكوارث الطبيعية، خاصة ما حدث بتركيا وسوريا، وما تعيشه الدولتان حتى الآن من انهيارات داخلية، ويعيش العالم بأكمله حالة من الرعب خوفا من وقوع الزلازل في أي دولة أخرى.

ونشرت سيدة مصرية منشورا على موقع التواصل الاجتماعي فيس بوك، يحمل سؤالا للمواطنين، قائلة: "لو عرفت إن المدينة اللي عايش فيها هتتضرب حالا، وده شئ مش معتاد يعني مش عايشين في حالة حرب أو كوارث معتادة، قصادك دقائق بس جوة البيت قبل ما تخرج، هتاخد ايه معاك؟".

ولقى المنشور تفاعل كبير من مستخدمي موقع التواصل "فيس بوك"، وجاءت الإجابات كالتالي: "لازم شنطة فيها كل حاجة مهمة من ورق وفلوس في البيت أو دهب تكون محطوطة في مكان سهل الوصول له لأي ظرف"، "فكرت أول ما قريت أنى أخد دهبى والفلوس، بس بعد لحظه افتكرت كلمه هتتضرب، فقولت مش هاخد حاجه وانزل أسرع علشان أدور على مكان آمن، الأمان نعمه كبيرة أوى ربنا يرزق الجميع بيها"، "البومات الصور وتليفوني بس"، "أوراقنا الرسمية والفلوس، وهخرج أشوف مكان آمن بسرعة"، "مفتاح العربية والأوراق الرسمية"، "قططي وموبايلي والشاحن ودواء ماما"، "اللاب توب والأوراق المهمة والفلوس"، "مظنش في الوقت ده حد هيفكر ياخد حاجة المهم أولادي يخرجوا بخير".

وعلق آخرون: "بطانية أهم حاجة"، "سكينة"، "شنطة ايدي فيها الموبايل والفلوس"، "أي حاجة غالية ينفع تتشال"، "هخرج أهلي وأنبه الجيران"، "هاخد مياه وأكل"، "موبايلي والمحفظة وصورة ماما الله يرحمها ونضارتها".