بسكوت الشوفان بالتوت

المدة: حوالي ساعة
الصعوبة: سهل و سريع
عدد اﻷفراد: 1 - 3

المكونات

• 5, كوب شوفان مطحون
• 5, كوب شوفان
• 2 ملعقة كبيرة دقيق قمح
• 1 ملعقة كبيرة قرفة
• 1 ملعقة كبيرة جوز الهند مبشور
• 1 ثمرة موز طازة
• 5 بياض بيض
• نص لمونة
• سكر (او عسل او بدون حسب الرغبة)
• توت أو فراولة أو زبيب مجفف
• ورق زبدة

طريقة التحضير:

1. تشغلى الفرن على درجة حرارة 200.
2. تجيبى طبق غويط وتضربى بياض البيض مع النص لمونة كويس ، وبعدين تحطى عليهم الموزة وتضريهم كلهم مع بعض.
3. وبعد كدة فى طبق غويط تانى تخلطى الشوفان المطحون مع دقيق القمح، القرفة و جوز الهند. وبعد كده بالمعلقة تجيبى من خليط الشوفان والدقيق وتحطى على بياض البيض وتقلبى، وفى الأخر تضيفى نص كوباية الشوفان.
4. ممكن تدوقى الخليط ولو شايفاه محتاج سكر او اى اضافات انتى بتفضليها ممكن تضيفيها.
5. وبعدين تجيبى التوت (أو الفراولة - الزبيب) وتضيفيه على الخليط ده وتقلبيه كويس.
6. ودلوقتى تجيبى ورق الزبدة وتفرشيه على الصينية اللى هاتدخليها الفرن، وبمعلقة (أو قوالب البسكوت) تعملى البسكوت وتفرشيه على ورق الزبدة .
7. بعد ما تعملى الكمية المناسبة ليكى ولأسرتك، تحطى الصينية فى الفرن لمدة 20 او 30 دقيقة (على حسب الفرن بتاعك)، أهم حاجة انها لم تطلع من الفرن يكون لونها دهبى ومقرمشة.