ارز بالكبد والقوانص والبسلة

١ كيلو كبد وقوانص مقطعين قطع متوسطة
2 كوب رز ابيض مستوي
١ ثمرة بصلة كبيرة متقطعة صغير
١/٤ كوب صغير بسلة مسلوقة في مية من غير اي توابل (اول ماتستوي تشطفيها بمية ساقعة وتسيبيها منقوعة شوية في مية ساقعة وقطع تلج عشان الحباية متكونش مكرمشة)
١ ملعقة كبيرة ذرة اصفر معلبة للتزين
ملح وفلفل وبهارات حسب الحاجة
شوحي البصلة مع معلقة زبدة او سمن لغاية ماتصفر وضيفي فصين ثوم مهروسين
ضيفي القوانص الاول وقلبيها مع البصل وخلي عين البوتاجاز تكون نسبيا عالية لغاية ما القوانص كلها لونها يميل للبني الفاتح
ضيفي الكبدة وقلبي لغاية ما لونها يتغير برده وضيفي الملح و الفلفل والبهارات (وممكن تخرطى عليهم قرن فلفل رومي أو حامي)
وطي العين شوية وغطيها لغاية ماتشرب مايته وضيفي كوبايه ميه او شوربة لو فيه لغايه مايستوي
تبلي البسلة بقليل من الملح والفلفل
رصي الرز في طبق التقديم و حطي حواليه الكبد و القوانص و رشي عليهم من فوق البسلة و الذرة
(ممكن طبعا كالعادة تزودي أو تقللى أي حاجة زي البسلة أو الذرة على حسب أسرتك ما بتحب و بالف هنا وشفا)