"لبسك مش لايق على جسمك..وجميلة يا أسومي".. تعليقات الجمهور على حلاقة أسما شريف منير

كتب- مروان الطيب:

أثارت أسما شريف منير جدلاً بين رواد مواقع التواصل الاجتماعي خلال الساعات القليلة الماضية، وذلك بعدما نشرت مقطع فيديو عبر حسابها على "انستجرام" وظهرت خلاله وهي تقوم بحلق شعرها بالكامل وكان بمثابة مفاجأة لمتابعيها.

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

وانقسم متابعيها بين مؤيد ومعارض للخطوة التي اتخذتها، وزادت التعليقات بعد تصدر أسما تريند جوجل، وردها على منتقديها بأنها كانت تعرف أنها ستتصدر التريند وترى أن اللوك الذي ظهرت به"جامد" كما أوضحت أنها لا تعاني من الاكتئاب ولكن كانت تبحث عن التغيير.

وجاءت تعليقات الجمهور : "حرية راحة جميلة يا أسومي، حرام عليكي بنتك تتخض، أهم حاجة سعادتك، اعملي اللي انتي عاوزاه الحياة بنعشها مرة واحدة جميلة في كل الأحوال، لو أقولك الفكرة دي بتيجي في بالي كام مرة فى اليوم مش هتصدقيني، مش عشان شعري بايظ بس لأ فكرة التحرر واني ابدأ من جديد انتي قوية اوي".

وعلي الجانب الآخر انتقد عدد من متابعي "أسما" تصرفها: "بصراحة انا مشكلتي مش في شعرك انتي حرة فعلًا انا مشكلتي في لبس مش لانه عريان بس لأن دي حاجات تخصك برضه لكن لأنه حقيقي مش مناسب لشكلك نهائي ومش لايق عليكي، كل شي مو حلو اللبس ومنظر الحلاقة وكل شي مو تمام ولا مظبوط أتمنى تختفي عن الأنظار لفترة لتحسن نفسها وشكلها وشعرها وترجع تظهر للعلن من جديد واحدة تانية، ربنا كرمنا في أحسن صورة واحنا مصممين نشوه نفسنا".

وحرصت أسما شريف منير على حضور فعاليات حفل توزيع جوائز مهرجان القاهرة للدراما والذي أقيم مساء أمس الخميس بمدينة العلمين الجديدة، ويعد بمثابة ظهورها الأول منذ كشفها عن قص شعرها بالكامل.

وكان لـ "أسما" تعليق على قص شعرها قائلة: "شعرى بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل".

وتابعت: "رميت ورايا حاجات كتيرة أوي بمجرد إني شلت شعري، قلبي كان بيدق جدا وبعديها حسيت إني مليانا أدرينالين.. خطوة جريئة ومرعبة بس حاسة إني طالعة منها بدرس".

وأضافت: "عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الاحساس ده مش هحسه غير مرة.. بكره هتشوفوا النتيجة الأخيرة".

يذكر أن هذه ليست المرة الأولى التي تثير فيها "أسما شريف منير" الجدل على السوشيال ميديا إذ هاجمت من قبل الشيخ محمد متولي الشعراوي وسبب هجومها انتقادات واستهجان من قبل العديد من رواد السوشيال ميديا.