رحاب الجمل تكشف رد فعلها بعد استبعادها من فيلم "عمهم" لـ محمد إمام

تحدثت الفنانة رحاب الجمل، عن استبعادها من فيلم "عمهم" للفنان محمد عادل إمام ، كاشفة عن رد فعلها حول هذا الأمر.

وقالت رحاب، ببرنامج "الستات": "هو فريق العمل كله اتغير.. أنا وأستاذ محمود حميدة وأمينة خليل وحصل تغيير في فريق العمل كله ومسألتش ده حصل ليه.. أنا بحترم ده جدا خصوصا إن اللي كلمني أستاذ حسين المنباوي فهي وجهة نظر فكان لازم أحترم ده والشياكة بتستدعي إنك متحرجيش الناس".

وأضافت: "جالي وسواس إن أنا مش أفضل حد أو كده واتهزيت شوية إنما لما يكون معايا وحش زي محمود حميدة وأمينة خليل قولت لأ يبقى ده أكيد في وجهة نظر إنتاجية أو إخراجية".

وأردفت: "أنا كنت متحمسة أعمل كوميدي فجالي الدور ده فاتبسطت وبعدها راح مني فمفهمتش بس في نفس الأسبوع ومع نفس الشركة المنتجة جالي مستر إكس ففهمت إن مفيش مشكلة فيا".

يذكر أن، آخر أعمال رحاب الجمل الفنية هو فيلم "مستر إكس" بطولة الفنان أحمد فهمي والفنانة هنا الزاهد وهو من تأليف وإخراج أحمد عبد الوهاب.