دعوات للصلح من شريهان أبو الحسن لتامر حسني وبسمة بوسيل: "زعلانة على الولاد"

كتب- مروان الطيب:

تداول رواد مواقع التواصل الاجتماعي فيديو للإعلامية شريهان أبو الحسن والتي نشرته عبر حساباتها المختلفة على مواقع التواصل الاجتماعي منها "فيسبوك"، ودعت خلاله الصلح بين النجم تامر حسني و طليقته بسمة بوسيل.

وتطرقت "شريهان" بالفيديو عن الخلاف الذي دار بينهما وأدى إلى الانفصال إلى جانب مطالباتها من المقربين لهما بالتدخل في محاولة للتصالح وأنها تعلم تامر وبسمة معرفة شخصية وعن تأثرها بهذه العلاقة

وقالت شريهان: "اللي مستغرباله ولا سمعت ولا قريت ولا شوفت حد على السوشيال ميديا يقول كلمة واحدة تصلح أو تقرب ما بين تامر وبسمة ولو واحد حتي من أصحابهم وكأن الدنيا كلها مستنية تامر يكون في موقف زي ده وكأن الناس عايزاهم يتطلقوا و جاني احساس كده إن أصحابهم ممكن يكونوا فرحانين في اللي حصل".

واستكملت "أنا قربت من بسمة وقربت من تامر وبسمة ست طيبة جداً وتامر راجل قلبه نضيف وأكتر حاجة مهتمة بيها واكتر حاجة وجعاني مش تامر ولا بسمة لكن ولادهم لأن ساعات الزوجين في المواقف اللي زي دي مابيبقوش مهتمين ولا مشغولين بالولاد وإن عشان الولاد بسمة فضلت تسمع وتستحمل شائعات عن تامر".

وأضافت "والحب ده برضه كان بيخلي تامر يتغاضى عن التهور اللي كانت بسمة بتعمله على السوشيال ميديا وهو نفسه قال عليها انها متهورة لكن رجعوا لبعض تاني وصاب تامر وبسمة الزهق الملل الرتابة التعود العتاب النقد الندية المشاجرات والمشاحنات اللي موجودة في أي بيت وأن الطرفين كل طرف فيهم بيفكر ان لو دخل في علاقة جديدة مع حد تاني هيكون ده تجربة ناجحة ومختلفة".

وأنهت تعليقها برسالة لتامر قائلة: "أنت اللي فتحت الباب لكلام كتير أنت استسهلت كنت بتمشي وتسيب البيت فترة طويلة استسهلت أنك تعيش في المكتب وانك تسيب بسمة وتخلي الناس تتكلم أكثر والنار تولع أكتر في قلب بسمة، وكنت مستنية منك رد أحسن من كده عشان تحافظ على البيت وأنت السبب في التوتر اللي وصلته بسمة وتنازل شوية عن العناد وانزل شوية من هذا الكبرياء وفكر في ولادك".

وكانت قد أعلنت بسمة بوسيل عن انفصالها رسمياً من زوجها السابق تامر حسني يوم الخميس الموافق 27 أبريل الماضي عبر حساباتها الرسمية على مواقع التواصل الاجتماعي