بالرغم من شكواه ضده..محمود حميدة يكشف السبب الحقيقي وراء مشاركته بفيلم "هارلي"

كتب- مروان الطيب:

كشف النجم محمود حميدة عن السبب الحقيقي وراء مشاركته بفيلم "هارلي" بطولة الفنان محمد رمضان والذي تم عرضه بموسم عيد الفطر الماضي وذلك خلال استضافته ببرنامج "The Insider بالعربي".

وتطرق حميدة قائلاً "السبب قد يبدو غير معقول ولكن بالنسبة لي كان معقول وهو أن محمد رمضان دعاني للعمل ده واللي شرح لي التفاصيل المخرج محمد سامي وقالي هنصور الفيلم ده أثناء رمضان وهنزله على العيد".

واستكمل "أعجبت بالجرأة دي أنه شايف حاجة يعني ورا التعاون ده وأن لازم يبقي بالسرعة دي وبعدين عملنا اجتماع أنا ومحمد سامي وشرح لي فيه القصة لأن العمل كان بيتكتب على الهوا كمان فدي مغامرة كبيرة جداً".

وانهى تعليقه قائلاً: "كان الدافع بتاعي في الأول والأخر إني أساعده على تحقيق اللي في دماغه اللي هي عمري ما عملتها قبل كده بالشكل ده".

وكان قد كشف الفنان محمود حميدة في وقت سابق عن تقدمه بشكوي ضد صناع فيلم "هارلي" لنقابة المهن السينمائية بسبب اخلالهم بالعقد المتفق بينهما وقال حميدة في تصريحات تليفزيونية "بالنسبة لي منكنتش تجربة سعيدة لي، ومش مبسوط باللي حصل، وكان فيه في العقد حاجة خاصة باسمي انه هيتحط كذا، والفيلم مكنش هيتعمل من غير الشروط دي".

فيلم "هارلي" من إخراج محمد سمير، ومدير تصوير أحمد عبد القادر، وبطولة النجوم محمد رمضان، مي عمر، محمود حميدة، أحمد داش، مي كساب، إسماعيل فرغلي، حسني شتا.