هدى الإتربي بعد مشاركتها في سره الباتع: العمل مع خالد يوسف فيه رهبة وتعرضنا لإصابات

حلت الفنانة هدى الإتربي ضيفة على برنامج واحد من الناس مع الإعلامي عمرو الليثي وسألها عن شخصيتها في مسلسل سره باتع "سعاد" وقالت: "الأستاذ خالد يوسف أصر على دخولي المسلسل هو كان مرشحني لدور تاني وبعدين لقيته بيقولي حاسس إن أنتي في سعاد هتكوني أصدق وأقرب أنا هخش تحدي معاكي واحطك في ناحية تانية خالص هما دايما بيحطوكي في أدوار البنت الحلوة والشيك فعايزك تثبتي موهبتك".

وأكملت حديثها عن خالد يوسف وقالت: "فكرة إن أنا اشتغل معاه كانت رهباني في الأول كان عندي رهبة أول مرة أشوفه بس هو إنسان بسيط وقريب أبسط ما الناس متخيلة فده سهل عليا المناقشة معاه".

وتابعت: "أنا دور سعاد كله بالنسبالي صعب بس في مشهد كلنا اتعرضنا لإصابات وكملنا تاني يوم عادي وأستاذ خالد بيحب الحقيقة قوي".

برنامج واحد من الناس يعرض على قناة الحياة.

يذكر أن الفنانة هدى الإتربي شاركت في عملين في السباق الرمضاني وقدمت دورين مختلفين من خلالهما وهم سره الباتع وضرب نار.