فيفي عبده توجه رسالة طريفة إلى المصورين: "ارفعوا الكاميرا عشان اللغد" (فيديو)
فيفي عبده
كتب- مصراوي:
وجهت الفنانة فيفي عبده، رسالة طريفة إلى المصورين عبر إنستجرام، وظهرت بفستان زفاف بـ خاصية "سناب شات".
وقالت: "أنا طالعة اقولكوا رسالة واحدة بس.. أرجوكم أي حد بيصورني في أي مناسبة ابقى طلع الكاميرا لفوق عشان أنت بتطلع اللغد وبتطلعني متعقدة من حياتي".
وتابعت رسالتها الطريفة، قائلة: "أنا مش عارفة اعمل عمليات يا جماعة، ولا هعرف اعمل لغد ولا هعرف اعمل حاجة.. من فضلك ابقى ارفع الكاميرا وانت بتكلمني.. شوفوا أنا قمر أهو من غير لغد فحاولوا تطلعوا الكاميرا عشان اللغد ده ميطلعش".
واختتمت بطريقتها الكوميدية: "خمسة مواه ويلا بقى وأيوة بقى بحبكم أوي وعايزين شوية دلع من اللي اتمنع من فيفي عبده".
وانهالت التعليقات على الفيديو، وجاء منها: "عسل يا فوفا"، "تجنني"، "قتلتيني ضحك"، "دمك زي العسل"، "يخربيت الضحك يا فوفا".
وعلى جانب آخر، تعاقدت فيفي عبده على مسلسل جديد بعنوان "أخر الزمن"، المقرر عرضه ضمن موسم رمضان 2023.
View this post on Instagram
فيديو قد يعجبك:
