في عيد ميلاده.. لماذا يرى محمد حماقي أن المرأة أهم من الرجل؟

كتب - هاني صابر:

يحتفل اليوم السبت 4 نوفمبر، الفنان محمد حماقي بعيد ميلاده الـ 48، إذ أنه من مواليد عام 1975، بعد مشوار غنائي طويل كلل بالنجاح لدرجة أنه أصبح لديه قاعدة جماهيرية كبيرة في كل مكان بمصر والوطن العربي.

وبهذه المناسب، نستعرض لكم أبرز ما قاله محمد حماقي عن المرأة في السطور التالية:

قال محمد حماقي، في لقاء سابق على راديو "نجوم إف إم" متحدثا عن المرأة: "أنا بشوف دايما طول الوقت إن أحلى وأهم حاجة في الست هي حنيتها، والمرأة حاجة كبيرة جدا ومهمة في حياة كل رجل".

وتابع: "البني آدم لما بيحب بيشوف كل حاجة حلوة.. وممكن الست اللي تعجبني شكلها متعجبش حد تاني وممكن العكس، فكل الأمور دي نسبية، وكل واحد بيشوفها بعينه وبقلبه بطريقته".

وأوضح حماقي: "الناس اللي رافضة نساء في حياتهم ربما قد يكونوا مروا بتجارب سيئة أو لم تأتي لهم الفرصة، وأنا شخصيا أحب الست تكون قوية وضعيفة في نفس الوقت بحسب الموقف اللي هتكون فيه، ومتكونش أقل مني".

وأضاف: "الراجل أناني شوية أكتر من الست، وطول الوقت بقول أن الست أهم من الراجل، لأن الست بتصنع راجل، ولكن الراجل ميعرفش يصنع ست".