صفوة: "ماما وأخواتي ناس عاديين جدا وكنت فاكرة لو سبت جوزي هقعد في البيت "- فيديو

كتبت- بهيرة فودة:

حلت الفنانة صفوة ضيفة على برنامج "قعدة ستات"، الذي تقدمه الإعلامية مروة صبري على قناة "ألفا اليوم"، لتكشف خلال الحلقة تفاصيل عن طلاقها وعن الحب في حياتها وأيضا عن أسرتها.

وقالت صفوة: "الحب راح من أول مرة في أول طلاق لي، وكنت فاكرة إني لو سبت جوزي مش هشتغل وهقعد في البيت".

وأضافت صفوة: "أنا عندي ماما وأخواتي مالهمش أي علاقة بالمهن وهما ناس عاديين جدا، وملهمش خالص في الموضوع ده".

وكانت الفنانة صفوة قد أثارت الجدل حينما قالت إنها اكتشفت أن زوجها الثاني لديه إعاقة جسدية في بداية زواجهما.

وقالت صفوة، خلال لقاء قديم لها في برنامج "الترابيزة"، المعروض على قناة الشمس: "الشخص دا كان محاسب وراجع من الكويت بقاله 14 سنة، فكان في حتة تانية خالص، وبدون ما أفكر اتقدملي وعملي فرح أسطوري وشقة فظيعة، وكل الحاجات فوق الخيال".

وأضافت: "اتجوزت آخر يوم في العدة، أتجوزته وقعدنا شهر أو شهرين وكان أول مرة في حياتي في حياتي أسافر إسكندرية معاه، وأخدني نايت كلوب وشوفت رقاصة لابسة بدلة عجبتني وكنت عايزاها تبقى عندي بس، وبالفعل وأخدت منها البدلة".

وتابعت: "قعدت بعدها أزن عليه إني أشتغل، كان وقتها عندي 20 سنة وهو كان كبير جدا، وهو كان عنده مشاكل نفسية، "كان بيهيس ساعات، ومشاكل جسدية أكتر".

وأكملت: "جوزي كان صورة بس وفوجئت بيه يوم الصباحية وقولت لماما إنه عنده شبه إعاقة، وماما لقتني لسه بنفس التسريحة، وكنت قاعدة مستنياهم وطلبت منهم الطلاق، وهو بقى حاسس طول الوقت إنه عنده ضعف".

واستطردت: "كنت بطلب منه نلعب وبضربه زي أفلام أميتابتشان من غيظي، وكان ممكن يحصله خربوش، ومن كتر الكبت كنت عايزة أضربه".

واختتمت صفوة حديثها: "ولما دخلت الفن ما كنتش محتاجة فلوس وكان معايا فلوس كويسة جدا".

يذكر أن أخر أعمال الفنانة صفوة مسلسل "ممنوع الاقتراب أو التصوير"، 2018، بطولة زينة، نسرين أمين، فتحي عبد الوهاب، محمد شاهين، مي القاضي، تأليف محمد الصفتي، إخراج زياد الوشاحي.