يسرا: "بحمد ربنا إني ماخلفتش"

كتبت- بهيرة فودة:

قالت الفنانة يسرا أنها لم تكن حزينة بسبب عدم إنجاب أطفال.

وأضافت يسرا خلال لقائها في برنامج "كلام نواعم"، المعروض على قناة mbc1 : "وأنا في التلاتينات كان عندي هاجس أني لازم أبقى أم لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى، لما اتجوزت خالد قولتله نخلف ملقتوش مبسوط من الموضوع دا وقال نشوف".

وتابعت: "قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني ما خلفتش".

ووجهت يسرا رسالة للسيدات: "أوعوا تزعلوا من قدر ربنا مديهولكم قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا وشفت ناس أولادهم عاصيين ليهم معرفش إيه ممكن كان يحصلي ممكن مكنش استحمل أن يكون عندي طفل ويموت وبالنسبة لي خالد هو حياتي وابني وجوزي ربنا عوضني وبقول للي ما خلفش ميزعلش واللي خلف يحمد ربنا".

View this post on Instagram

A post shared by كلام نواعم Kalam Nawaem (@kalamnawaeminsta)

View this post on Instagram

A post shared by كلام نواعم Kalam Nawaem (@kalamnawaeminsta)