"اتهمت زوجها السابق بالخيانة".. غادة إبراهيم تثير الجدل بإعادة نشر فيديو قديم

كتب- هاني صابر:

أثارت الفنانة غادة إبراهيم، حالة من الجدل بعد اتهامها لزوجها السابقة بالخيانة في فيديو قديم لها بأحد البرامج التليفزيونية، وقامت بإعادة نشره قبل قليل.

وقالت غادة، ببرنامج "نص الكلام": "أنا لأخر يوم في عمري مش مسامحة اتنين في حياتي ليوم الدين.. أنا جوزي خاني ومسامحاه ومسامحة أي حد ظلمني إلا الاتنين دول، هما مأذونيش أنا، هما أذوا عيلة كاملة معملتش ليهم حاجة، كانوا عايزين يسجنوني ويشطبوني من نقابة المهن التمثيلية ويدمروني ويدمروا سمعتي وحياتي وشغلي، بس ربنا أقوى منهم".

وتابعت: "طلقوني من جوزي الأول عشان كان مرشح لمنصب مهم، قالوا يلا كرسي في الكلوب، وعادي الحمد لله ربنا نجاني من زوج خاين، ومش ندمانة ولا زعلانة ومع ذلك مسبونيش ومستمرين لحد النهاردة ليه؟، ايه الجبروت ده، وزوجي سبب المشكلة دي".

وأوضحت: "سبب مشكلتي مع زوجي وانفصالي منه إنه خاني، وسافرت عند أختي في دمشق وقعدت شهرين ونص، وقفلت الموضوع نهائي، ولما رجعت مسابتنيش لحد النهاردة واللي بتساعدها الانتيم بتاعتها اللي قلبت عليها من كام شهر، واللي هي قالت عليها (صفحة واتقفلت)، بيتقلب السحر على الساحر، (ويمكرون ويمكر الله والله خير الماكرين)".

وأضافت: "مفيش حد في الوسط الفني ميعرفش موضوعي ده لأنه من سنين، في إحدى الصحف ذكرت تفاصيل بالرموز في الحوار دا، وانفصلنا ومن ساعتها خلص الموضوع ".

اقرأ أيضا:

تامر فرج يكشف سبب ضرب لوسي لـ إحدى بطلات "الحفيد" على المسرح

فنان فكر بالانتحار وآخر تلقى عرضا للعمل سائق.. ممثلون اشتكوا غدر الفن

بعت عفش بيتي.. محمد رمضان يستجيب لنداء إحسان ترك ويضمه لـ"العمدة"

إحدى بطلات الحفيد تخرج عن صمتها: "مش هتكسف أقول لوسي ضربتني وشتمتني"

View this post on Instagram

A post shared by ghadaebrahim (@ghadaebrahim11)