"جدي صيني وأسلم على يده الكثير".. أبرز تصريحات خالد محمود في "كلام الناس"

كتبت- بهيرة فودة:

حل الفنان خالد محمود ضيفًا على الإعلامية ياسمين عز، في برنامجها "كلام الناس"، أمس الأحد، الذي يُعرض على شاشة قناة MBC مصر.

وفي هذا التقرير نعرض لكم أبرز تصريحات خالد محمود في البرنامج:

- أنا طول عمري مابتدخلش في حياة حد.

- السينما النظيفة أنا مؤمن بيها تماما.

- أنا اتعرضت لموقف في أحد الأفلام إن كان المخرج عاوزني أبوس البطلة.

- أنا عارف قد إيه طريق التمثيل مرهق بالنسبة للبنت.

- بنتي الصغيرة بتمثل من أول ما تصحى لغاية ما تنام.

- الراجل والست بعدوا عن الدين، فالبعد عن الدين وصلهم للي هما فيه، ولا الراجل بقى عارف اللي عليه ولا الست بقت عارفة اللي عليها.

- دخلت بالطيارة على بحيرة قارون قُلت إيه اللي أنا بعمله في نفسي ده؟ ما ممكن الطيارة تقع ورجعت بيهم بعد ما خدتهم في رحلة حلوة.

- جدي صيني وجدتي تركية، وجدي الله يرحمه كان من مسلمين الصين وكان بيدرس هنا في الأزهر الشريف، واتعرف على جدتي كانت من الأتراك اللي قاعدين في مصر واتجوزوا، وأسلم على ايده كتير.

- جدي كان حظه حلو لما راح تركيا قضى الجيش التركي ولما جه مصر قضى الجيش المصري مش عارف عملها إزاي ولكنه قضاهم.