بدرية طلبة لـ ياسمين عز:"احنا ماشيين بعلاج وبتوقعي بين الأزواج"

كتبت- مارسيل نظمي:

وجهت الفنانة بدرية طلبة رسالة إلى الإعلامية ياسمين عز، بعد نصائحها الأخيرة التي توجهها للنساء عن معاملة الرجل المصري، خلال إحدى حلقات برنامجها "كلام الناس" الذي يعرض عبر قناة MBC مصر.

وظهرت بدرية طلبة في فيديو عبر خاصية "ستوري" على موقع "فيسبوك"، تتحدث بطريقة ساخرة، قالت: "إيه يا ياسمين إحنا ماشيين بالعلاج، كل واحدة فينا فيها اللي مكفيها، اللي متجوزة ومستنياها تقول يا أستاذ محمد فيها اللي مكفيها، بدل ما تطول في المد بالألف مفيش وقت الناس بتكح تراب وانتي جاية تقوليلها مدي بالألف".

وتابعت: "الكلكيعة اللي في قلبي منك زادت".

وواصلت رسالتها لـ"عز": "شفنا دلع كتير لكن أول مرة اسمع واحدة تدلع زوجها بمد في اسمه أحمااااااد، محماااااااد.. لو قلت لجوزي كده هيديني بطبق الملوخية، انتي كده بتوقعي بين الأزواج، ممكن يكون قصدك خير لكن النتيجة تأتي عكسية، لا وقت للدلع المرق، انتي يا ياسمين خليتينا نكلم نفسنا".

وأثارت ياسمين جدلًا كبيراً عبر منصات التواصل الاجتماعي، بسبب تصريحاتها عن المرأة والرجل، ومعاملة كل منهما الآخر، ووجهت نصيحة للنساء: "ليه بتنادي على جوزك كده يا محمد حاف مثلا؟ قولي لجوزك يا أستاذ محمد.. يا أستاذ محمد تحب تشرب إيه؟.. مفيش حاجة اسمها محماااا لغوها خلاص.. ما تاكليش آخر حرف من اسم الراجل بعد إذنك".