عبدالباسط حمودة: "عمرو دياب لما بيشوفني بيقول بابا وصل"

كتب- وائل توفيق:

كشف المطرب الشعبي عبد الباسط حمودة حقيقة رفض الفنان عمرو دياب التعاون معه في "دويتو" غنائي.

وقال أثناء استضافته في برنامج "مصر جديدة" على شاشة قناة "etc": "عمرو دياب عنده ربنا فوق وتحت منه عبد الباسط، لأن عمرو من الناس اللي شقيت معانا وتعبت معانا".

واستكمل: "عمرو ابن حلال قوي، شقي معانا وتعب معانا، وبعدين أنا أبوه، عشان أبوه اسمه عبد الباسط، هو أول ما يشوفني يقولي بابا وصل أهو، اسمه عمرو عبد الباسط دياب، وهو حبوب قوي، الناس تقول مغرور، لكن هو غير كده خالص، عمرو ومحمد منير كلهم إخواتي وحبايبي وأصدقائي، وعمرو بقالي كتير مشفتوش، بس لما يجي يكلموه يقولهم المطرب الشعبي الوحيد عبد الباسط".

وأضاف: "عمرو ربنا يحبب فيه خلقه، لو مشي وقال يا ريان يافجل الناس هتسمعه، مكتوباله، تعب في دنيته، مخدهاش بالساهل، وهو مش بيحاول يغني شعبي، هو في حتة لوحده، لو غني شعبي هينجح".