"هطلع أفضحك".. عمرو مصطفى يوجه رسالة لـ"جدو"

كتب- وائل توفيق:

وجه الفنان عمرو مصطفى، رسالة لأحد الفنانين، رمز له بـ"جدو"، وذلك عبر صفحته الخاصة بموقع "فيسبوك".

وكتب عمرو: "رسالة لجدو، هتبعت ناس ولجان تشتم علي الصفحة ولا هيهز شعره مني فلوس بترميها في الأرض، هتبعت ناس تقول صوته وحش ملكش دعوة أنا هغني وصوتي وحش، هتروح تخلي ناس تسرب الأغاني هطلع أفضحك وساعتها هتكون نهايتك بجد".

وتابع: "هتجيب عيال بفلوس تعمل فيديوهات إن الأغاني وحشة هتنجح غصب عنك لإنها من القلب، هتقول فين المشاهدات هقولك ملكش دعوة أنا بعمل الأغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ على الفيسبوك بشرف أحسن من ملايين مزيفين يا جدو.. وفي الآخر اتقل علشان الجاي صعب".

واختتم: "نسيت إنك بعت ناس للموزعين اللي بشتغل معاهم في الخارج علشان أنت قلودة قوي.. بس لما تنزل معاهم هفضحك عادي".

يذكر أن عمرو مصطفى طرح منذ أيام أحدث أغانيه "إلا أنا" عبر قناته بموقع "يوتيوب"، من كلمات مصطفى إسماعيل وعمرو مصطفى، وألحان عمرو مصطفى، ميكساج رون تايلور، ماسترينج كارل.