ندى موسى: إيدي اتحرقت في حادثة عربية.. وعشت مكسوفة ألبس "كت" (فيديو)

كتبت- بهيرة فودة:

تحدثت الفنانة ندى موسى عن حادث سيارة تعرضت له جعلها لا تستطيع ارتداء ملابس صيفية.

وقالت ندى، خلال حوارها مع الإعلامية إنجي القاضي في برنامج "مساء dmc": "بدأت مؤخرا أحب نفسي وأقبلها، بعد ما كان عندي لخبطة في شوية حاجات".

وأضافت: "مثلا حصلت حادثة عربية وإيدي كلها اتحرقت، وسابت علامة كنت بتكسف منها جدا، وأنا أصغر كانت بتضايقني جدا لما حد يبص مثلا، ومش قادرة ألبس زي ما أنا عايزة لا (كت) ولا أروح البحر عشان مش مستريحة، لحد ما العلامة كبرت وكان في التصوير لازم أغطيها، أنا دلوقتي بحبها جدا وغيّرت من مفهومي عن نفسي، والموضوع مش سهل أبدا".

يذكر أن ندى موسى شاركت في موسم دراما رمضان 2022 من خلال مسلسل "المشوار"، بطولة محمد رمضان، ودينا الشربيني، وإياد نصار، وصبري فواز، وأحمد كمال، وصبري عبد المنعم، وبيومي فؤاد، وعمرو عبدالجليل، وغيرهم، ومن تأليف محمد فريد، وإخراج محمد ياسين.