"متخلفوش لو إنتوا مبتعرفوش تربوا".. سمية الخشاب تعلق على واقعة فتاة المنصورة

كتب- هاني صابر:

علقت الفنانة سمية الخشاب، على مقتل فتاة المنصورة نيرة أشرف، بعد أن ذبحها زميلها أمام باب الجامعة.

وكتبت سمية، عبر حسابها على تويتر: "أرجوكم لو لقيتوا أي ست بتتضرب أو بتتعرض لعنف في أي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا أولادكم بقى عشان قرفنا، متخلفوش لو انتوا مبتعرفوش تربوا كفاية.. وإعدام إن شاء الله".

وتابعت: "المهم وأنا ببص كده على التعليقات لقيت شوية مرضى نفسيين ميقلوش إجرام عن اللي ارتكب الجريمة بيلوموا البنت ويقولوا كانت لابسة لبس مش محتشم وبيبرروا دبحها، يعني اتدبحت وراحت حياتها وكمان مذنبة، لازم الناس دي تفوق لأنهم بيبقوا مشاريع إجرام وربوا أولادكم عشان قرفنا منكم ومنهم".

وأَضافت: "وحبيبتي نيرة في الجنة إن شاء الله، وإن شاء الله تكوني سبب أنه العنف والقرف ده يقف بعقاب رادع يبقى عبرة لأي حيوان بشري يفكر بس يلمس شعرة من بنت مش يدبحها، منه لله وإن شاء الله عقاب أسود في الدنيا وفي الآخرة".

وشهدت مدينة المنصورة، جريمة بشعة صباح اليوم بعدما قام طالب بكلية الآداب بجامعة المنصورة بطعن زميلته بسكين وذبحها قبل أن يتمكن الأهالي من الإمساك به.

تلقي اللواء سيد سلطان مدير أمن الدقهلية إخطارًا من اللواء إيهاب عطية، مدير المباحث الجنائية، يفيد بورود بلاغ لشرطة النجدة من طلاب جامعة المنصورة بقيام أحد الطلاب بإخراج "سكين" وطعن زميلته بها وذبحها قبل قيام الاهالى بالإمساك به والاعتداء عليه بالضرب، وذلك أمام بوابة "توشكي" لجامعة المنصورة من ناحية حي الجامعة.

انتقلت سيارات الإسعاف وضباط مباحث قسم أول المنصورة لموقع البلاغ، وبالفحص تبين مصرع "نيرة.أ.م" طالبة بكلية الآداب جامعة المنصورة، ومقيمة في المحلة الكبري بمحافظة الغربية، وذلك بعدما قام زميلها ويدعى "م.ع" 21 سنة، طالب بكلية الآداب بجامعة المنصورة، ومقيم بالمحلة الكبرى بمحافظة الغربية، بطعنها بسكين وذبحها من الرقبة قبل أن يتمكن الأهالي وطلاب جامعة المنصورة من الإمساك به.

جرى نقل جثة المجني عليها إلى مشرحة المستشفي الدولي ونقل الطالب إلى مستشفى الطوارئ الجامعي بعد محاولات الأهالي الفتك به.

ارجوكم لو لقيتو اي ست بتتضرب او بتتعرض لعنف في اي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا اولادكم بقي عشان قرفنا، متخلفوش لو انتوا مبتعرفوش تربوا كفايه!! واعدام ان شاء الله.#حق_نيرة_اشرف

— Somaya Elkhashab (@somayaelkhashab) June 20, 2022