شريف سلامة: "كنت عاوز أبقى باحث أو عالم في الحيوانات ودخلت الفن صدفة"

كتب-وائل توفيق:

كشف الفنان شريف سلامة، أن صعوبة اختيارات الأعمال الفنية التي يشارك فيها قد تعطله أحيانًا، لكنه لا يهتم، كما أنه عمل في الفن بالصدفة.

وقال شريف سلامة أثناء استضافته في برنامج "كلمة أخيرة" مع لميس الحديدي على شاشة قناة "on": "مكنتش حابب أبقى ممثل، واشتغلت بالصدفة، ومبحبش الشهرة خالص، كنت عايز أبقى مخرج أو مدير تصوير، وابتديت مساعد مخرج وكنت عايز أبقى مدير تصوير ودرست كتب معهد سينما تصوير أول سنتين بالكامل، وأنا في أولى إعدادي لحد ما تخرجت من الأكاديمية".

وتابع: "بس مدخلتش معهد سينما، مدخلتش معهد سينما تصوير، فدخلت تمثيل، وقلت هاخد البكالوريوس وهاخد بكالوريوس تصوير تاني بعدها، لأن كان عندي حلم، أنا شخص شوية مش عاوز أقول متوحد، على قد ما أنا اجتماعي قوي، على قد ما انطوائي قوي، أنا بحب الحيوانات جدا، فكنت عايز أعيش معاها الحقيقة، فكنت عايز اشتغل في ناشينوال جيوغرافيك أبقى باحث وعالم في الحيوانات".

وكان آخر أعمال شريف سلامة مسلسل "فاتن أمل حربي" في رمضان 2022، مع النجوم: نيللي كريم، هالة صدقي، محمد ثروت، محمد الشرنوبي، خالد سرحان، فادية عبد الغني، جيلان علاء، ومحمد التاجي وغيرهم، من تأليف إبراهيم عيسى، وإخراج ماندو العدل، وإنتاج شركة العدل جروب.

مراتي سقطت سنة علشاني.. شريف سلامة: اشتغلت ممثل بالصدفة وفضلت أدرس 7 سنين#كلمة_أخيرة#لميس_الحديدي#ON@lameesh pic.twitter.com/N1pTur6aJi

— كلمة أخيرة مع لميس الحديدي (@KelmaAkhira) May 24, 2022